Goditja është një nga shkaqet kryesore të vdekjes në botë, prandaj është e rëndësishme të njihni simptomat e para me qëllim që t’i parandaloni ato në kohë.
Njohja e fillimit të një goditje në kohë është thelbësore për të ndërmarrë veprime të menjëhershme. Duke ndërhyrë brenda 3-6 orë pas shfaqjes së simptomave të para, dëmtimi mund të zvogëlohet në masë të madhe. Shumë e dinë se edhe në qoftë se zakonisht mund të kapërcesh një krizë, mundësia për të pasur një seri problemesh më pas është shumë e lartë. Prandaj është e këshillueshme të mos prisni që simptomat të zhduken ose të prisni mjekun e familjes që mund të mbërrijë pas disa orësh, zgjidhja më e mirë është që të shkoni menjëherë në dhomën e urgjencës ose, në një spital të pajisur me një njësi emergjence specifike për trajtimin e goditjeve.
Shpejtësia e ndërhyrjes është arma e vetme që të përpiqesh të dalësh i padëmtuar, përveç parandalimit duke kryer një lloj mënyre jetese të shëndetshme.
Simptomat kryesore që tregojnë fillimin e goditjes janë:
- Papritmas vëreni vështirësi në të folur dhe në të kuptuarit se çfarë thonë të tjerët, kjo është simptoma më e shpeshtë e fillimit të pashmangshëm të një goditjeje;
- Humbja e papritur dhe e pashpjegueshme e ndjeshmërisë së disa gjymtyrëve të sipërm ose të poshtëm, dhimbje të papritura në kokë;
- Ndryshimi i papritur i vizionit;
- Dhimbje e papritur ose ndjenjë e marramendjes.
Këto simptoma janë të vlefshme si në rastin e goditjes ishemike (më e zakonshme që në përgjithësi prek meshkujt mbi 70 vjeç), dhe në rast të goditjes hemorragjike (që prek të rinjtë), kështu që nuk ka moshë që lejon t’i nënvlerësosh ato. Kushdo nga çdo moshë dhe gjini duhet t’i kushtojë vëmendje këtyre simptomave, veçanërisht nëse shfaqen papritur.
Shumë i nënvlerësojnë këto simptome thjesht sepse zakonisht zhduken brenda 24 orëve. Por në shumë raste realiteti është krejt i ndryshëm sepse është Transient Ischemic Attack (TIA), që është një sulm i përkohshëm ishemik që përgatit rrugën për goditjen finale. Një person i cili ka pasur një sulm të TIA është padyshim në rrezik, shumë më tepër se të tjerët, madje 10 herë.
Burimi / http://www.imiglioripost.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
