“Për vite me radhë duke numëruar kaloritë, duke e parë veten në pasqyrë dhe asnjëherë të mos e shohësh veten të dobët, për ngjitjen e një suksesi që nuk po vinte.”
Kjo është historia e Maggie Greene 19 vjeçe, që sot, dy vite me pas dhe disa kilogramë më shumë, sfilon e gëzuar për kompaninë Wilhelmina, një nga më të mëdhenjtë në këtë sektor.
Tregimi i saj është shpërndarë në Instagram, ku e bukura Maggie ka vënë në krahasim dy foto: E para ku kërkonte me çdo kusht të humbiste peshë, dhe fotoja e dytë ku e tregon të qeshur dhe me një siluete për ta pasur zili.
Ajo shkruan: “Dy vjet më parë nuk isha e lumtur, e shikoja veten në pasqyrë dhe dukesha e shëndoshë.
Nuk shkoja për darkë me miqtë apo familjen, rrija në shtëpi dhe qaja, sepse mendoja se nuk mund të haja asgjë.
Por ëndrra ime ishte të bëhesha modele, si Kate Moss”.
Maggie tregon për fiksimin e saj për t’u dobësuar, për faktin se duhej të peshohej çdo mëngjes, ajo tregoi edhe se si cikli i ndaloi prej dobësimit të tepërt.
”E megjithatë – shpjegon ajo – unë haja në mënyrë të shëndetshme dhe bëja ushtrime, kështu që askush nuk mund të më akuzonte se unë ekzagjeroja”.
Deri sa një ditë, një mjek i tha se kishte kaluar përtej anoreksisë.
Dhe ajo vendosi ta dojë veten, dhe të fillonte të hante atë që trupi i saj kishte nevojë.
Pastaj erdhi kontrata me Wilhelmina dhe sot Maggie është një modele ‘curvy’ e suksesshme. “Nuk peshohem më dhe jam një grua e lumtur.
Të jesh e dobët është diçka, dhe shëndeti diçka tjetër: Është e rëndësishme të pranojmë masën tonë. Bëni si unë, do të jeni më të lumtur”.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
