Edhe pak ditë dhe fillon shkolla. Do të doja që mësuesit të dëgjonin lutjen time, por edhe unë ashtu si Migjeni i madh nuk kam fuqi prej Perëndie, që ti bëj mësuesit tanë, të mos i trembin e paragjykojnë nxënësit e tyre. E megjithatë unë, po ja u drejtoj lutjen, mbase dikush do të më lexojë.
Ilira Gjika, Mjeke Pediatre
Mësues, kur të jeni në klasë me fëmijët përpiquni t’u vini në dukje gjërat, që mbajnë mënd nga mësimet e shkuara apo gjërat e reja, që kanë mësuar gjatë pushimeve. Kështu do të ulin shkallën e ankthit e të frikës dhe fëmijët do të demonstrojnë gjithnjë e më lirshëm dijet e tyre. Ankthi (frika irracionale) dhe frika janë të lidhura me mosbesimin e mosvlerësimin e vetes, të cilat janë të lidhura në mënyrë direkte me harresën, pasi krijohen në të njëjtën zonë trunore.
Mësues, nxitini fëmijët, nxiteni mendjen e tyre të jetë një proces aktiv, ku nëpërmjet energjisë që i jep procesi i rritjes dhe së bashku me informacionin, që do të marrë nga ju të fuqizojnë mendjen e tyre, të fuqizojnë mendimin drejtë shkencës, sporteve dhe arteve. Mësues, frika nga shkolla nuk është një frikë dosido. Frika nga shkolla ka të bëjë me aftësinë, për të patur e thënë fjalën e vet secili dhe për të patur kurajon e aftësinë për t’u përballur me të panjohurën. Përpiquni mësues të bëni më të mirën edhe pse është vërtet shumë e vështirë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
