Këshilla & Arsye

May 21, 2019 | 9:30

Nga Lira Gjika / Prindër, fëmijët janë projektuar për të ardhmen, prandaj bëhuni ndihmesë dhe jo pengesë për ta

“Të thashë, por nuk dëgjove dhe ja tani.. shih si je bërë”. Këto fjalë shoqërojnë çdo hap të “gabuar”, që bën fëmija, sidomos kur ka marrë një paralajmërim nga të rriturit. Për gjatë eksplorimit të mjedisit dhe të forcave të tij, fëmija shpesh herë, do të bëhet pis, do të rrëzohet e vritet. Të rriturit pranë tij, duhet ta inkurajojnë, që të vazhdojë të eksplorojë dhe të mos ketë frikë.

Ilira Gjika, Mjeke Pediatre

Ilira Gjika, Mjeke Pediatre

Të bërit “pis” tregon që fëmija nuk ka ndenjur, por ka luajtur e eksploruar. Dhe rrëzimet janë pjesë e rritjes, që ndihmojnë të fitohet kontrolli dhe kujdesi ndaj vetes. Ato nxitin zhdërvjelltësinë e trupit dhe të mendjes, për mbrojtjen dhe evitimin e dëmtimit. Pa këto eksperienca, që janë gjimnastika më e mirë për të fituar besimin te vetja, njeriu nuk do ja kishte dalë të eksploronte botën dhe të dilte në hapësirë. Janë këto frikëra të vlerësuara drejtë në fëmijëri, që bëjnë të mundur të rriturin e suksesshëm dhe me vullnet e fantazi të shëndetshme.

Prindër, shmangini këto shprehi jocilësore, për rritjen e fëmijëve tuaj. Ata janë të “projektuar” për të ardhmen, përpiquni të jeni pjesë e progresit të tyre dhe jo pengesë.

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top