Lëkura është organi i parë që formohet dhe është i lidhur direkt me shqisën e prekjes e cila edhe ajo, është shqisa e parë që formohet. Lëkura është organi më i ndjeshëm dhe “mjeti” ynë i parë i komunikimit. Gjithashtu është “mjeti” më efikas për mbrojtjen tonë.
Ilira Gjika, Mjeke Pediatre
Shkencëtarët e cilësojnë lëkurën që së bashku me trurin janë dy aparatet tona më të rëndësishme dhe të lidhur ngushtësisht me njëri tjetrin. Ata tërheqin vëmendjen për kujdesin që duhet të tregojmë ndaj saj, sidomos në periudhën e fëmijërisë. Prekja e fëmijës me kujdes, butësi dhe mirëmbajtja e lëkurës influencojnë direkt në zhvillimin e sferës emocionale të fëmijës.
Një fëmijë i keqtrajtuar apo i prekur ashpër apo i keqtrajtuar fizikisht apo i mbajtur me higjiene të ulët, nuk mund të realizojë një zhvillim psikoemocional cilësor. Kujdes prindër, edukatorë, të rritur, kur prekni fëmijën kujdesuni të kontrolloni lëvizjet tuaja që të jenë të buta dhe jo me rrëmbim dhe pakujdes.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
