Organizata Botërore e Shëndetësisë ka thënë se do të riemërtojë linë e majmunëve për të shmangur diskriminimin dhe stigmatizimin pasi virusi vazhdon të përhapet mes njerëzve në një shpërthim të paprecedentë global të sëmundjes.
Dr Tedros Adhanom Ghebreyesus, drejtori i përgjithshëm i OBSH-së, tha se organizata “po punonte me partnerë dhe ekspertë nga e gjithë bota për ndryshimin e emrit të virusit të lisë së majmunit, klase të tij dhe sëmundjes që shkakton”. Masa vjen pasi shkencëtarët kërkuan një ndryshim “urgjent” të emrit, të cilin ata e përshkruan si “të pasaktë”, “diskriminues” dhe “stigmatizues” në një raport të publikuar javën e kaluar. Një njoftim për emrin e ri do të bëhej “sa më shpejt të jetë e mundur”, tha Tedros. Shqetësime të ngjashme u ngritën në kulmin e pandemisë së koronavirusit kur variantet e reja të Covid u emëruan sipas vendeve ose rajoneve ku u zbuluan për herë të parë, duke çuar në ndalime udhëtimi dhe kufizime të tjera. Si përgjigje, OBSH solli një sistem emërtimi që i referohej varianteve të reja si shkronja të alfabetit grek.
Në raport, shkencëtarët ngrenë shqetësime se “perceptimi mbizotërues” në media dhe literaturën shkencore është se virusi i lisë së majmunit është endemik tek njerëzit në disa vende afrikane, ndërsa virusi gjendet në masë të madhe te kafshët, të cilat historikisht kanë shkaktuar shpërthime të herëpashershme kur ato infektojnë njerëzit.
Përgatiti K.I / Burimi www.theguardian.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
