Një fundjavë speciale mund të shijohet fare bukur pranë një prej resorteve më të paqta pranë bregdetit të Durrësit. “Prestige Resort”, aty ku oazi natyror i gërshetuar me luksin e një kompleksi bashkëkohor turistik dhe kuzhinës unike, gërshetohet me shijet e kujtdo zgjedh të kalojë fundjavat edhe pse sezon vjeshte.
“News 24” përmes emisionit “VILA 24” ka udhëtuar në këtë oaz paqeje prej 80 mijë metrash katrorë, për të përcjellë tek ju gjithçka ofron kjo sipërfaqe mahnitëse natyrore mes detit, kripës, jodit, erës dhe aromës së pishave.
Androniki Kolka dhe stafi i emisionit të mëngjesit kanë përgatitur një reportazh për “Prestige Resort”, duke ju dhënë mundësinë e prezantimit të kompleksit më të ri turistik në brigjet e Adriatikut, vetëm 50 km nga Tirana, 27 km nga aeroporti “Nënë Tereza” dhe 11 km nga Amfiteatri i Durrësit.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
