Familjet me një prind janë gjithnjë e më të zakonshme. Megjithëse prindi aktual përpiqet të mbulojë të dyja rolet, fëmijët që rriten pa baba kanë boshllëk emocional që meriton vëmendje. Në botën perëndimore, numri i familjeve me një prind është në rritje dhe rrjedhimisht edhe përqindja e fëmijëve që rriten pa baba ose nënë.
Pavarësisht nga arsyeja pse familja përbëhet nga një prind i vetëm (divorci ose ndarja e çiftit, vdekja e njërit prej prindërve ose mungesa e babait), fakti i qëndrimit vetëm me fëmijët të bën të përballesh me sfida dhe vështirësi. Sot po flasim për fëmijët që rriten pa baba.
Rritja pa babanë… ose nënën
Asnjëherë, fëmijët nuk rriten pa një nga figurat prindërore me vullnetin e tyre. Normat e divorcit rriten. Gratë dhe burrat vendosin të kenë vetë fëmijë dhe të marrin përsipër edukimin e tyre. Rasti më i shpeshtë është mungesa e babait. Ju mund të gjeni shumë argumente për të shpjeguar këtë situatë, në çdo rast është një fakt që familjet me një prind po rriten ndjeshëm, duke rezultuar në një ndikim emocional për fëmijët që rriten pa baba.
Edhe pse nëna e edukon, kujdeset dhe e udhëzon fëmijën, mungesa e babait gjeneron një ndjenjë të madhe zbrazëtie. Mungesa e babait mund të jetë fizike, për shkak të largimit të tij ose për shkak se ai nuk merr përgjegjësinë për fëmijët e tij, apo edhe nëse është i pranishëm, ai nuk mund të krijojë lidhje emocionale me fëmijët e tij.
Në të dyja rastet (mungesë fizike ose emocionale), efektet në zhvillimin e fëmijës dhe ekuilibrin emocional janë shkatërruese.
Pasojat e mungesës së babait
Me përjashtim të rasteve të familjeve të zgjeruara, në të cilat një nga të afërmit merr rolin e babait që mungon, fëmijët që rriten pa baba mund të zhvillojnë çrregullime të sjelljes. Ky është një fenomen i njohur dhe pranuar gjerësisht nga profesionistët në këtë sektor.
Për të fshehur ndjenjat e pakënaqësisë, zemërimit, braktisjes dhe frikës që i trullosin ata, fëmijët që rriten pa babanë mund të paraqesin probleme të tilla si:
- Vështirësi në ndërveprim me fëmijët e tjerë
- Deficit të vëmendjes dhe performancë e ulët akademike
- Boshllëqe emocionale dhe vetëbesim të ulët
- Probleme emocionale si ankthi, depresioni ose agresioni
- Frika nga braktisja, e cila provokon qëndrime rebele ose izolim social
- Abuzim me drogë
- Më pak mbështetës dhe empatik
- Më pak vetëkontroll
- Ndjenja e fajit
- Probleme që lidhen me identitetin seksual
Këshilla për edukimin e fëmijëve që rriten pa baba
Nëse shërimi dhe edukimi është një detyrë mjaft e vështirë për një çift të qëndrueshëm, është akoma dhe më e vështirë nëse kjo përgjegjësi bie mbi një prind. Një fëmijë ka nevojë për përforcim pozitiv që të rritet i shëndetshëm dhe i lumtur, të rritet i vetëdijshëm dhe me vetëbesim të mirë.
Këshillat që ne propozojmë mund t’ju ndihmojë në detyrën e vështirë për të rritur vetëm fëmijët tuaj.
- Kërkoni mbështetje familjare
Nëse ka ndonjë në familjen tuaj, i cili mund t’ju mbështesë aktivisht në kujdesin për fëmijët tuaj, përfitoni nga kjo. Një gjysh, një xhaxha ose një hallë mund të plotësojë një pjesë të zbrazëtirave emocionale të krijuara nga mungesa e babait.
- Kërkoni mbështetje psikologjike
Mos kini frikë të kërkoni këshillën e një profesionisti. Një psikolog mund t’ju ndihmojë të justifikoni pasojat e mungesës së prindërve, si dhe problemet që mund të lindin nga marrëdhënia me fëmijët tuaj. Është gjithashtu e rëndësishme të jeni në gjendje të falni vetveten dhe prindin tjetër që nuk ju shoqëron më në detyrën arsimore.
- Shmangni diskreditimin ose fajësimin
Në kohën e rritjes së tensionit me fëmijët tuaj, shmangni diskreditimin ose fajësimin e prindit që nuk është aty ose fëmijëve. Duke folur keq për babanë, ju nuk do të merrni ndonjë efekt pozitiv. Shumë herë, fëmijët ndihen fajtorë edhe nëse nuk kanë përgjegjësi për atë që ka ndodhur.
- Shmangni krahasimet
Shmangni krahasimin e familjes tuaj me ata që takoni dhe që përbëhen nga dy prindër. Këto krahasime mund t’i dëmtojnë, të krijojnë frustrime dhe ti irritojnë.
- Rregullat të qarta dhe fleksibile
Kur një grua mbetet vetëm para detyrave të saj të shtëpisë, ajo tenton të bëhet shumë e ngurtë ose shumë e dobët për nevojën e vendosjes së rregullave. Asnjë nga dy ekstremet nuk është ideal për fëmijët që rriten pa baba. Ata duhet të kenë rregulla të qarta, por fleksibile që mund të përshtaten me rrethanat, për të siguruar lumturi dhe mirëqenie tek ju dhe fëmijët.
- Kaloni kohë me fëmijët tuaj
Është e rëndësishme të jeni në gjendje t’i kushtoni kohë (edhe të shkurtër) të jeni së bashku dhe të gëzoni praninë e fëmijëve tuaj, të bëni detyrat e shtëpisë së tyre së bashku, të lexoni një histori dhe të ecni.
- Tolerancë dhe durim
Është e rëndësishme të ushtrosh tolerancë dhe durim me veten dhe me fëmijët tuaj. Do të ketë kohë të vështira, ju vetëm duhet t’i pranoni ato. Shmangni tundimin e dëshirës për të mbuluar të dyja rolet, nuk është e mundur. Ju mund të plotësoni vetëm një rol dhe të jepni më të mirën për veten dhe fëmijët tuaj. Ajo që nuk shkoi mirë sot, mund të zgjidhet më vonë.
Për veten tuaj
Për ju, që po rritni fëmijët vetëm, duhet të lini mundësi për rindërtimin e familjes. Nuk do të jetë një vendim i thjeshtë, sepse kushdo që afrohet duhet të kuptojë se fëmijët tuaj janë pjesë e esencës suaj. Megjithatë, ky person i ri do ta kuptojë se duke u angazhuar me ju, ai do të marrë një rol të rëndësishëm në familje.
Mos e pengoni mundësinë e të qenit e lumtur me një person të ri. Të duash dhe të mbyllesh në vetvete nuk ka kuptim. Rindërtimi i familjes do t’iu japë fëmijëve tuaj mundësinë për të rindërtuar lidhjet emocionale me figurën e babait, i nevojshëm për fëmijën tuaj.
Përgatiti: Brikela Daci | Burimi / viverepiusani.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
