Gjethet e dafinës janë aromatike dhe janë përdorur tradicionalisht në kuzhinën botërore. Me një aromë të fortë, zakonisht përdoret në përgatitjen e mishit, qepës dhe supave.
Por dafina nuk njihet vetëm për vlerat e saj në gatim, pasi ajo shquhet dhe për vetitë e saj medicinale. Gjethet e dafinës ju sigurojnë rreth 320 kalori për 100 gramë konsumim. E pasur me karbohidrate dhe fibra, gjithashtu ka yndyrna të ngopura. Gjethet e përmbajnë vitamina A, B, C dhe D, si dhe janë të pasura me minerale si kalcium, hekur, kalium dhe magnez.
Dafina është një bimë që mund të konsiderohet e zakonshme, nuk është shumë e vështirë të gjendet dhe mund të blihet lehtësisht në një dyqan ushqimi shëndetësor ose edhe në treg, prandaj është e nevojshme të dimë gjithçka që mund të përfitojmë.
Këtu janë disa nga përfitimet që sjell përdorimi i gjetheve të dafinës:
Për tretje
Era e fortë e çajit të dafinës stimulon prodhimin e pështymës dhe enzimave të tjera tretëse, të cilat ndihmojnë në dekompozimin e grimcave të ushqimit, duke promovuar tretjen e shëndetshme. Gjithashtu ai njihet për të luftuar urthin dhe fryrjen. Një filxhan i këtij çaji parandalon kapsllëkun.
Për parandalimin e kancerit
Në gjethet e dafinës gjenden komponime antikancerogjene, si acidi kafeik, kuercetina, euganoli dhe katekina, të cilat kufizojnë metabolizmin e leukemisë dhe qelizat e kancerit të gjirit. Parthenolidi fitonutrient gjithashtu kufizon rritjen e qelizave kanceroze të qafës së mitrës.
Për problemet me frymëmarrjen
Çaji i dafinës përdoret kundër etheve dhe gripit dhe ndihmon në lehtësimin e kongjestionit të hundës. Gjethet gjithashtu kanë veti antibakteriale, duke ndihmuar në luftimin e baktereve të gripit.
Për zemrën dhe kontrollin e hipertensionit
Gjethet e dafinës janë të pasura me komponime që ndihmojnë zemrën të tilla si; rutin, salicilatet, acidin kafeik dhe fitonutrientët. Ato zvogëlojnë shanset për të zhvilluar sëmundje koronare të zemrës.
Për diabetikët
Gjethet e dafinës janë të dobishme për të luftuar diabetin e tipit 2, pasi ato rrisin prodhimin e insulinës duke kontrolluar nivelin e glukozës në trup.
Karakteristikat anti-inflamatore
Përbërja Parthenolide, e pranishme në dafinë, është anti-inflamatore. Vaji i nxjerrë prej gjetheve të dafinës mund të përdoret për lehtësimin e migrenës dhe artritit.
Për lëkurën
Gjethet e dafinës përmbajnë një larmi antioksidantësh dhe komponimesh antiseptike që konsiderohen të dobishme për lëkurën.
Përfitime të tjera
Çaji i dafinës përdoret për të ruajtur një cikël të rregullt menstrual dhe për të lehtësuar dhimbjet e tyre. Përveç kësaj, ndihmon në shkrirjen e gurëve në veshka si dhe mund të përdoret edhe për higjienën orale.
Burimi / https://vibee.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
