Shumë përkufizime nga José Ingenieros, për mediokritetin nxirren nga vepra e tij më e njohur, El hombre mediocre (The mediocre man, 1913). José Ingenieros ishte një nga intelektualët më të respektuar në Argjentinë në fillim të shekullit të kaluar dhe gjithashtu mjaft i shkathët: mjek, psikiatër, psikolog, kriminolog, filozof dhe profesor universitar.
I lindur në Palermo në 1877 njihej me emrin Giuseppe Ingegnieri, kur ishte fëmijë emigroi me familjen e tij në Buenos Aires. Ai e kaloi gjithë jetën në Argjentinë, dhe zgjodhi ta përshtatë emrin në gjuhën spanjolle. Qyteti i Palermos i ka kushtuar një rrugë atij duke i vendosur emrin, Giuseppe Ingegneros.
Ky intelektual i madh ishte ai që ne mund ta quanim humanist të vërtetë, në kuptimin më të gjerë të fjalës. Përkufizimet e José Ingenieros për mediokritetin na lejojnë të shohim dëshirën e tij për përsosjen e qenies njerëzore. Këtu janë disa nga ato më interesante.
Përkufizime nga José Ingenieros, për mediokritetin
Imitimi si një shenjë e mediokritetit
Shumë nga fjalët e José Ingenieros i referohen imitimit. Dëshira për imitim është konsideruar nga filozofi Italo-Argjentinas si një nga tiparet kryesore të mediokritetit. Në këtë drejtim ai deklaron: “Mediokri kërkon të ngatërrohet me ata rreth tij; personi origjinal tenton të dalë jashtë. I pari vazhdon të mendojë me kreun e shoqërisë, ky i fundit përpiqet të mendojë për veten”.
Prandaj për Ingenieros imitimi është një gjest që shpreh heqjen dorë nga të qenit vetvetja, të menduarit në mënyrë të pavarur. Pas përpjekjes për t’u shfaqur si tjetri, ekziston frika e afirmimit të vetes së vet. Dhe gjithashtu pamundësia për të krijuar. “Funksioni kapital i njeriut mediokër është durimi imitues; ai i njeriut superior, imagjinata krijuese”.
Fanatizmi dhe besimi
Megjithëse José Ingenieros ishte një njeri shkencor, eksplorimi i tij i botës është shënuar edhe nga shqetësimet fetare. Në fakt, ai i dedikoi disa shkrime të tij okultizmit dhe teozofisë. Ai gjithmonë u përpoq të pajtojë trajnimin e tij shkencor me besimin.
Shumë nga përkufizimet e José Ingenieros i dedikohen besimit. Një nga këto thotë: “Mungesa e një besimi të rrënjosur fort e kthen mediokrin në një fanatik. Besimi konfirmohet kur bie ndesh me mendimet e kundërta”. Në këtë deklaratë ne shohim bashkëjetesën e një fryme racionale dhe njëkohësisht drejtuar besimit.
Gëlltisin pa përtypur dhe tretur
Ingenieros donte të lartësonte intelektin, origjinalitetin dhe aftësinë për të menduar në mënyrë të pavarur. Kjo deklaratë e paraqet shumë mirë mendimin e tij: “Ata gëlltisin pa tretur, derisa të mos shkaktojnë tretje mendore: ata injorojnë faktin se njeriu nuk jeton në atë që ai gëlltitet, por në atë që asimilon”.
Është një ftesë për të mos “hedhur poshtë çdo gjë”, por për të analizuar dhe vlerësuar informacionin për ta bërë atë vetë. Këto reflektime, si shumë të tjera që gjenden në njeriun mediokër, sigurisht që janë të vështira. Në atë kohë, fjalët e tij ishin një bisturi e mprehtë, e zgjedhur me vetëdije jo vetëm për të denoncuar, por për të sfiduar, për të nxitur ndryshimin.
Palëvizshmëria
José Ingenieros lartëson, në disa raste, dinamizmin, pasionin dhe vitalitetin. Këto karakteristika janë tipike për njerëz të ndjeshëm, të cilët nuk mund të qëndrojnë indiferentë ndaj gjithçkaje që i rrethon.
“Njeriu i ndjeshëm është, si oqeani, i aftë për të treguar valëzime sublime; në temperamentin e zbutur ku çdo gjë duket të jetë e qetë”. Një frazë që lavdëron pasionin dhe ndjeshmërinë. Mediokriteti nënkupton një paaftësi për të reaguar.
Përshtatje dhe zakon
Për zakonin, José Ingenieros thotë: “Zakoni është një skelet fosil, copat e të cilit i rezistojnë druve të shekujve. Nuk është një fëmijë me përvojë, është karikatura e tij. E para është e frytshme dhe gjeneron të vërtetën, e dyta është sterile dhe vret”. Rutina është pra një mohim i përvojës. Përvoja kërkon ndërgjegje, jo zakon. Në një kuptim, zakoni paralizon mendimin.
Filozofi argjentinas shpreh një kritikë të të gjitha formave të përshtatjes, veçanërisht ato që përfshijnë vetë-sakrificën dhe heqjen dorë nga mendimi i vet për t’i pëlqyer të tjerëve. Në të njëjtën kohë, ai me mençuri thotë: “Shkalla e ndryshme e përshtatjes së secilit individ në mjedisin e tij varet nga ekuilibri midis asaj që ai imiton dhe asaj që shpik”.
Këto janë vetëm disa nga përkufizimet e José Ingenieros për mediokritetin. Leximi i fjalëve të tij na çon drejt përballjes me ato zona të vetes ku banon frika. Në përgjithësi puna e tij është një thirrje për të riafirmuar veten, për të kërkuar origjinalitetin dhe përsosmërinë mbi çdo gjë.
Burimi / lamenteemeravigliosa.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
