Prindërit, gjyshërit, por edhe vëllezërit, motrat, hallat… Sa herë e gjejmë veten duke menduar për mundësi të humbura. Rreth asaj se si mund ta kalonim atë gjysmë ore duke e mbushur me dashuri. Çfarë konsiderojmë si të mirëqenë, në fund të fundit, është po aq e rëndësishme sa dashuria dhe njohja. Kjo është arsyeja pse ne ju themi: përqafoni të dashurit tuaj. Përqafojini fort sa herë të keni mundësi.
Marrëdhënia me familjen ndryshon me kalimin e kohës. E ëmbël, e butë, e dashur, zbavitëse, lidhje që ne duket se i nderojmë ndërsa i jetojmë ato pa mendje.
Përqafoni të dashurit tuaj, bëjeni tani
Shpesh jetoni në të njëjtin qytet dhe nuk mund të gjeni kohë për të pirë një kafe së bashku, për një përshëndetje, të shikoni njëri-tjetrin dhe të thoni: “Si jeni”? Ndodh gjithashtu që jetoni në distancë dhe nuk mund të gjeni kohën për një telefonatë, për t’ju thënë “Ju përqafoj”, për t’i përqafuar me zemër kur krahët nuk munden. Gjetja e kohës së nevojshme për një telefonatë, për një vizitë dhe një përqafim, është një gjest që bashkon të kaluarën dhe të tashmen, një dhuratë që mban shenjën e përjetësisë.
Bëni tani, jetoni tani
Atëherë përqafoni të dashurit tuaj, jetojini në çdo kohë dhe mundësi që mundeni. Përdorini ato mundësi, kërkojini ato, shpikini ato. Mendimi i një afeksioni që nuk duhet ta harrojmë kurrë, edhe nëse jetojmë gjithnjë me nxitim. Koha fluturon larg në një sekondë, gjithçka jetohet në arrati, pa vëmendje, me shumë mllef. Përqafoni të dashurit tuaj, sepse jeta nuk është një provë kohe, një garë e pafund që na bën të harrojmë gjërat thelbësore. Ne duhet të mësojmë ta jetojmë kohën tonë me mençuri, në mënyrë që të mos torturohemi nga pendimi. Vëmendja që duhet t’u kushtojmë atyre që u kanë kushtuar kohë dhe dashuri jetës sonë, për ata që gjithmonë kanë qenë pjesë e saj, është diçka ndryshe nga blerja në supermarkete. Përqafoni të dashurit tuaj duke mësuar se disa gjëra nuk janë detyrim, por thjesht një përparësi.
Koha dhe kujtimet
Është e nevojshme të kuptohet mirë se cilat janë detyrimet, përparësitë dhe gjërat thelbësore. Çfarë i jep vlerë dhe pasuri të vërtetë jetës sonë. Përqafimi dhe nderimi i familjes së një personi është një këshillë që bashkon kuptimin e gjithë kësaj. Me një gjest mund të anulojmë rutinën duke lënë gjurmët e përjetësisë, duke harruar detyrimet për t’i dhënë vlerë ndjenjave.
Ndalni kohën që rrjedh në një mënyrë kaq të hutuar dhe na thith në një vorbull të afateve, angazhimeve, banaliteteve. Përqafoni pa turp dhe drojë. Përqafimi i të dashurve është mënyra më e bukur dhe e përzemërt për të parandaluar venitjen e ndjenjave dhe kujtimeve. Dhe bashkë me to edhe një pjesë të tonën.
Burimi / https://www.giornodopogiorno.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
