FB

June 9, 2022 | 9:15

Përtacia një problem i zakonshëm, si të përmirësohemi?

 

Të gjithëve na ndodh shpesh të  ndihemi dembelë dhe të pamotivuar, sikur nuk kemi qëllime për  të arritur aftësinë e largimit nga topitja. T’i kalosh ditët në divan ose të vërtitesh nëpër shtëpi është shumë më e lehtë sesa të punosh fort dhe në mënyrë të qëndrueshme për të arritur suksesin. Ndonjëherë mund t’ju duket se nuk ia vlen, se në fund ka vetëm një jetë dhe se ka pak kuptim të sakrifikosh kohën tënde për t’u përmirësuar.

Padyshim që ky është një arsyetim i gabuar: të kesh një qëllim në jetë nuk është e lehtë, por ta detyrosh veten të punosh për të arritur diçka është padyshim një ide e mirë, që të ndihesh më i përmbushur në fund të ditës. Të gjesh motivimin për të përfunduar detyra, ndonjëherë nuk është e lehtë, por nëse arrin ta identifikosh dhe ta mbash konstant, do të bëni përparime të jashtëzakonshme drejt qëllimeve tuaja më të larta.

Përse është kaq e vështirë të gjesh motivimin?

Identifikimi dhe mbi të gjitha mbajtja e motivimit të vazhdueshëm, është sekreti i vërtetë për të kapërcyer përtacinë dhe për të arritur rezultate të jashtëzakonshme në jetë. Për fat të keq, megjithatë, ka shumë faktorë që ndërhyjnë kur bëhet fjalë për motivimin. Për shembull, u ndodh shumë individëve të kenë shumë frikë se mos shkojnë drejt dështimit, aq sa t’i demotivojë ata: sikur më shumë sesa të dështonin dhe të ndjeheshin të mundur, ndoshta do të ishte më mirë që të tërhiqeshin që në fillim. Padyshim që ky është një gabim, sepse dështimet janë pjesë e rrugës drejt suksesit dhe për këtë arsye nuk duhet të jenë një arsye për përtacinë. Gjithashtu, duhet të keni parasysh që të gjithë jemi mësuar të vonojmë: pse të bëni sot diçka sfiduese dhe të vështirë kur mund ta shtyni deri nesër? Padyshim që ky është një qëndrim që tenton të përsëritet me kalimin e kohës, kështu që sa herë që vendosni të shtyni një angazhim, po edukoni veten të veprojë në këtë mënyrë në çdo aspekt të jetës tuaj.

Zakonet e këqija janë në fakt shkaku kryesor i mungesës së motivimit dhe paaftësisë tonë për të marrë atë që duam me të vërtetë. Merrni parasysh se ndonjëherë përtacia është thjesht pasqyrimi i një frike më të thellë, ajo në lidhje me gjykimin e njerëzve të tjerë. Padyshim që nuk është e këndshme të kritikohesh dhe të kontestohesh, por nuk duhet të mbyllesh në një gjendje palëvizshmërie nga frika e tyre. Mundohuni të keni besim tek talenti dhe besimet tuaja, në këtë mënyrë do të jeni në gjendje të kapërceni përtacinë.

Mënyrat për të shmangur përtacinë

Nëse vërtet doni ta braktisni përtacinë dhe të mësoni të gjeni motivimin për të arritur të gjitha qëllimet tuaja, duhet të praktikoni disa qëndrime pozitive. Për shembull, përpiquni të ndryshoni mënyrën tuaj të të menduarit, duke parë situatat në një dritë më pozitive, duke pyetur veten se çfarë mund të jetë e mirë në vend të asaj që mund të shkojë keq. Një tjetër ide e mirë është të krijoni rutinën tuaj personale ditore, që fillon në mëngjes dhe vazhdon deri në mbrëmje. Ndoshta zgjoheni herët, zgjidhni një kohë të ditës për të fikur internetin dhe për të dalë për aktivitet fizik, vendosini vetes një dietë më të shëndetshme. Ju mund të praktikoni dhe të krijoni shumë zakone fituese që do t’ju ndihmojnë të përmirësoheni si individ. Thjesht duke bërë punë me veten, është çelësi për të gjetur motivimin më të madh: përpiquni të shikoni brenda vetes dhe të kuptoni se cilat janë pikat tuaja të forta dhe dobësitë. Tani identifikoni rrugët për t’u bërë një person më i mirë dhe ndiqini ato. Mos kini frikë nga dështimi, sepse ai është mënyra e vetme për të arritur përmirësimet e vërteta. Nëse mund të ndryshoni të gjitha aspektet e jetës suaj që sot ju duken zhgënjyese, së shpejti do të zbuloni se nuk jeni më një person dembel.

 

Përgatiti: Orjona TRESA  |  Botuar në Revistën “Psikologjia”, Nr. 167

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Drejtor Marketingu - Geart Shehu: 0682097486
Agjente Marketingu:
Erinda Topi: 0688019400
Boana Shenjtolli: 0694767053
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top