FB

May 5, 2022 | 10:00

Posta / “Shoqja im kopjon gjithçka prej meje dhe ndihem sikur nuk mund të largohem dot prej saj”

Coleen Nolan, këshillon një grua që është e zemëruar nga një shoqe e cila kopjon gjithçka që ajo bën dhe ndihet sikur ka nevojë për një pushim prej saj.

0_two-female-friends-standing-back-to-back-against-a-door

E dashur Coleen,

Ky ndoshta duket si një problem i vogël në krahasim me të tjerët që merrni, por jo. Unë kam një mikeshë që në thelb kopjon shumë gjëra që bëj. Filloi me blerjen e të njëjtave rroba dhe kaloi në blerjen e gjërave për shtëpinë e saj që unë i kam blerë për timen. Unë kam mbyllur njërin sy shpeshherë, por tani kam zbuluar se ajo do të shkojë me pushime në të njëjtin vend ku do të shkoj edhe unë me familjen time. Më duket se nuk mund të largohem prej saj! E di që ajo do të sugjerojë të takohemi me fëmijët tanë, por me të vërtetë nuk dua. Unë kam nevojë për një pushim prej saj. Si duhet ta trajtoj këtë? Ajo ka qenë një shoqe e besueshme dhe ne qeshim së bashku, por ka filluar të bëhet e tepërt.

Coleen thotë:

Kjo dilemë në fakt ka dalë disa herë gjatë viteve që kam shkruar këtë rubrikë. Natyrisht, shoqja juaj ju admiron, por unë mendoj se sjellja e saj vjen gjithashtu nga një vend pasigurie dhe ajo po përpiqet të gjejë një identitet përmes jush. Por, ndoshta ju bën të ndiheni të çuditshëm për identitetin tuaj, të çuditshëm për miqësinë dhe gjithashtu paksa të mbytur. Nëse do të isha në këtë situatë, do të thoja: “Të dua si mikeshs, por ndihem pak e bezdisur kur ti blen të njëjtat rroba si unë dhe shtëpia jote duket si e imja, dhe do të shkosh në të njëjtën festë madje. “. Ajo mund të ofendohet ose të turpërohet dhe të ndeshet me ju, ose do ta bëjë atë të reflektojë për atë që po bën dhe çfarë fshihet pas saj. Do të varet nga forca e miqësisë suaj dhe sa e sinqertë është ajo e gatshme të jetë me ju dhe veten.

 

 

Përgatiti K.I / Burimi www.mirror.co.uk

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
[email protected] / Cel: 0688019400

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top