Për disa njerëz, kafeja është shumë e rëndësishme në rutinën e tyre ditore. Por, përveç energjisë që ajo i jep trupit tonë, na bën gjithashtu që të shkojme shpesh në dyert e tualetit. Ja se çfarë thonë ekspertët rreth kësaj dukurie…
Nuk duhen studime të shumta për të ditur se kafeja nxit lëvizjet e zorrëve kur është pjesë e jetës së përditshme. Disa studime të vogla kanë treguar se pirja e kafesë ishte më efektive se uji i ngrohtë në nxitjen e lëvizjeve të zorrëve, pasi uji është një pjesë integrale e tretjes normale me sasi të mëdha që çlirohen dhe ripërthithen nga trakti juaj tretës çdo ditë.
Kafeja mund të shkaktojë kontraktime të zorrës së trashë
Zorra e trashë përjeton tre lloje kontraktimesh që punojnë së bashku për të përzier, gatuar dhe në fund nxjerrjen e jashtëqitjes. Shfaqja, koha dhe shpeshtësia e këtyre kontraktimeve ndikohen nga faktorë muskulorë, nervorë dhe kimikë. Kafeja mund të stimulojë këtë aktivitet motorik të zorrës së trashë brenda disa minutave nga konsumimi i saj, bazuar në kërkimet e kufizuara të disponueshme. Kafeja me kafeinë është 60% më efektive se uji në stimulimin e aktivitetit motorik të zorrës së trashë, dhe 23% më e efektshme se kafeja pa kafe.
Mund të ndikojë në hormonet dhe acidin e stomakut
Kafeja duket se stimulon gjithashtu lirimin e hormonit gastrinë, i cili mundëson prodhimin e acidit gastrik (acidit të stomakut). Acidi gastrik ndihmon në tretjen e ushqimit dhe mund të nxisë aktivitetin e zorrës së trashë. Studiuesit zbuluan në 1986 se pirja e kafesë me kafeinë ose pa kafe ndikoi shpejt dhe ndjeshëm nivelet e gastrinës.
Përgatiti K.I / Burimi edition.cnn.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
