Të “furnizoni” trupin tuaj pas një stërvitjeje të vështirë është jetike dhe e mira është që këtë ta bëjmë me ushqime sa më të dobishme. Por, një kërkim ka zbuluar pije më të mira se ato që serviren nëpër palestra, një gotë e shijshme e qumështit me çokollatë.
Qumështi i aromatizuar mund të shërbejë si pija e fundit e rimëkëmbjes, pasi përmban gjithçka që trupi juaj ka nevojë, sipas kërkimit të publikuar në ‘Journal of Clinical Nutrition’.
Ndërsa pijet tradicionale sportive përmbajnë karbohidrate dhe elektrolite, ata nuk kanë proteina në to, e cila është një lëndë ushqyese jetësore për shërimin e muskujve.
Por sheqeri, qumështi dhe çokollata, të treja së bashku sigurojnë yndyrnat, disa vitamina dhe ujë për hidratim. Trashjet e proteinave zakonisht nuk vijnë me elektrolite, ose qumështi me çokollatë mund të jetë një zgjedhje më e mirë pas ushtrimit me intensitetit të lartë.
Studimi testoi efektet e pijeve të ndryshme në rimëkëmbjen e atletëve për të gjetur se cili ishte më i miri për përmirësimin e performancës. Krahasimi i qumështit të çokollatës me një pije sportive u bë para se atletët të zhvillonin aktivitete të çiklizmit.
Në disa raste, atletët që pinin qumështin e çokollatës ishin në gjendje të stërviteshin për rreth gjashtë minuta më shumë para se të mbërrinin në rënie fuqie sesa ata që përdorën pije sportive. Nivelet e acidit laktik ishin gjithashtu më të ulëta tek ata që përdorin pije të qumështit të aromatizuar.
Autori i studimit Dr. Amin Salehi-Abargouei i Universitetit Shahid Sadoughi, tha për Reuters: “Qumështi i çokollatës përmban karbohidratet, proteinat, yndyrnat, flavonoidet, elektrolitet dhe disa vitamina që e bëjnë këtë pije një zgjedhje të mirë për rimëkëmbjen e atletëve. Mesazhi është se qumështi me çokollatë është një racion i ulët, i shijshëm, i dobishëm dhe siguron efekte të ngjashme ose superiore krahasuar me pije komerciale”.
Por, sipas ekspertëve të performancës njerëzore, qëllimet e stërvitjes dhe lloji i trajnimit që bëni do të përcaktojnë se çfarë pije ju nevojitet pas një stërvitjeje. Nëse jeni duke bërë vetëm stërvitje të shkurtra dhe me intensitet të ulët, trupi juaj nuk do të ketë nevojë për sheqer shtesë dhe kalori në qumështin e çokollatës për t’u rikuperuar dhe do ta ruajë atë vetëm si yndyrë.
Qumështi me çokollatë përdoret nga atletët për të ndihmuar në performancë. Lojtarët e Rugby shpesh pijnë qumësht me çokollatë në mes të lojërave gjatë turneve, pasi u jep muskujve të tyre shansin më të mirë për rimëkëmbjen nga stërvitjet e rënda, duke plotësuar energjinë për ndeshjen e tyre të ardhshme.
Burimi / ata.gov.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
