Sanofi e Francës dhe GalxoSmithKline në Britani, kanë nisur fazën përfundimtare të provave tek njerëzit për vaksinën kandidat të Covid-19, për të cilën synojnë të marrin miratim në fund të këtij viti. Studimi i Sanofi dhe GSK është një nga të parët që hynë në fazat përfundimtare që kombinon testet për dozat nxitëse dhe variantet e reja, ndërkohë që kompanitë përshtatin strategjitë tyre për t’i bërë ballë mutacioneve të koronavirusit.
Dy prodhuesit e barnave, që më herët gjatë muajit raportuan rezultate pozitive të brendshme, konfirmuan se faza e 3-të e studimeve do përfshijë mbi 35,000 të rritur në SHBA, Azi, Afrikë dhe Amerikën Latine. “Në një qasje me 2 faza, studimi do hetojë fillimisht efikasitetin e një formulimi të vaksinës që shënjestrën virusin origjinal, ndërkohë që një fazë e dytë do vlerësojë formulimin tjetër që shënjestron virusin B.1.351”- deklaroi Sanofi. Mutacioni B.1.351 është ai i zbuluar për herë të parë në Afrikën e Jugut. Sipas Sanofi, provat kanë treguar se antitrupat e krijuara kundër variantit afrikan, mund të ofrojnë mbrojtje të gjerë kundër varianteve të tjera. Sanofi konfirmoi gjithashtu se do të nisë studimet klinike në javët e ardhshme për të vlerësuar efikasitetin e vaksinës si një nxitës, pavarësisht se çfarë vaksine ka marrë fillimisht subjekti.
Në varësi të rezultateve pozitive të fazës së tretë, vaksina mund të miratohet në tremujorin e katërt, pasi pritej për në fillim të këtij viti, përpara problemve që ndodhën tek 2 kompanitë. Sanofi dhe GSK u detyruan të rinisin provat në Dhjetor, kur vaksina tregoi reagim të ulët imunitar tek të moshuarit, si pasojë e formulimit të dobët të antigjenit.
Klevis Llaha – SCAN
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
