Sekretet e mjekrës perfekte

Tashmë nuk është sekret për askënd: mjekra është një mjet joshjeje për të cilën duhet të kujdeseni çdo ditë. E kuruar apo e çrregullt, gjeometrike apo ekstravagante, mjekra pëlqehet gjithmonë. Por si të keni mjekrën perfekte? Me disa këshilla të vogla, mund të jetë gjithmonë e përsosur…

Zgjidhni një stil të përshtatshëm për fytyrën

Nëse është e vërtetë që mjekra u shkon pak a shumë të gjithëve, është po aq e vërtetë që të zgjidhni një stil të përshtatshëm për formën e fytyrës vetëm vlerëson pikët e forta ose eliminon ndonjë defekt. Një mjekër ducktail me formë më të theksuar, për shembull mund të lehtësojë një fytyrë shumë katrore, ndërsa një mjekër boxed beard më katrore i jep butësi një fytyre më këndore.

Besojini një profesionisti

Sidomos herët e para, besojini një berberi të mirë. Është mënyra e duhur për të krijuar formën e mjekrës dhe për të mësuar ndonjë sekret të vogël që ta përdorni edhe në kujdesin e përditshëm. Por kënaqësia për të shkuar te berberi do të shndërrohet në një zakon të vështirë për t’u eliminuar.

Kini durim

Nëse është hera e parë që rrisni mjekrën, javët e para do të jenë më të vështira. Gjatësia e fillimit mund t’ju shpojë pak dhe do të jetë e nevojshme të bëni rregullime më të shpeshta për të rregulluar zonat e fytyrës ku mjekra rritet me shpejtësi të ndryshme. Por mjafton të dini të prisni, në mënyrë që të shpërbleheni.

Përdorni mjetet e duhura

Një rritje e përsosur e mjekrës nuk mund të ndodhë pa mjetet e domosdoshme. Më thelbësorja është furça e rrojës, me qime të ashpra, në mënyrë që të veçojë qimen, nga forma dhe rregulli.

Kujdes me pastërtinë

Mjekra, sidomos ajo e dendur mund të bëhet pis shpejt dhe mban erë (sidomos atë të duhanit). Për pastrimin e përditshëm mund të jetë e nevojshme ujë i rrjedhshëm dhe një produkt specifik, por një herë në javë mund ta pastroni në thellësi me eksfoliant delikat që të ndihmojë eliminimin e plotë të çdo gjurme papastërtie.

Edhe mjekra ka nevojë për hidratim

Nuk është vetëm lëkura që ka nevojë për hidratim: për një mjekër të butë dhe me aromë të këndshme mund t’i besoni balsamit specifik, i cili ndihmon për ta bërë lëkurën më të lëmuar dhe të kënaqshme për t’u prekur. Sepse në fund qëllimi është po ai, të ndjeni kënaqësi teksa përkëdhelni mjekrën.

Ushqejeni mjekrën në periudha të veçanta

Në periudhat më të thata, për shembull kur bën shumë vapë ose shumë ftohtë, mjekra mund të bëhet veçanërisht e rrudhur. Shtojini pak vaj në kujdesin rutinë të përditshëm (edhe vetëm në darkë). Kjo gjë do t’ju ndihmojë që mjekra të rikthehet në formë, të marrë shkëlqim dhe të bëhet e butë.

Mos e ekzagjeroni me produktet

Gjeni dozën e duhur të produktit që ju lejon të keni një mjekër të butë, por pa e rënduar: merrni në konsideratë që në stinë të ndryshme mund të jetë e nevojshme të ndryshoni dozën e duhur ose të zgjidhni lloje të ndryshme produktesh.

Shkurtojeni kur është e nevojshme

Të mbani mjekër të gjatë nuk do të thotë se duhet të harroni të shkoni herë pas here te berberi. Duke u zgjatur, mjekra ka tendencën të bëhet më e thatë, më e vështirë për t’u kujdesur dhe ndonjëherë mund të ndryshojë edhe ngjyrë. Rregullimi periodik është një zakon i mirë, nga i cili nuk duhet të hiqni dorë, në mënyrë që të mos keni një shkurre në fytyrë.

Përgatiti: Manjola EREQI | Botuar në Revistën “Psikologjia”, Nr. 148

Artikuj të ngjashëm