Këshilla & Arsye

November 21, 2020 | 8:06

Sekretet për rritjen e fëmijëve të përsosur, sipas ekspertëve të Harvardit

Prindërimi është diçka që ne e mësojmë çdo ditë, ai është aftësi që ne e fitojmë duke vënë veten në provë dhe përballemi me provat që jeta me fëmijët tanë vë para nesh. Nuk është një detyrë e lehtë, ndonjëherë është edhe rraskapitëse, veçanërisht kur të tjerët mendojnë se kanë përgjigjen dhe mënyrën e duhur për të edukuar fëmijën dhe pyesin për mnëyrën tuaj.

Secili prej nesh i do dhe edukon fëmijët në një mënyrë unike dhe kjo gjithashtu varet nga bagazhet personale, përvojat, historia familjare, njerëzit që kemi zgjedhur si shembuj referues. E kaluara jonë reflekton llojin e prindit që do të jemi në të ardhmen tonë. Nuk ka asnjë manual referimi për ata që vendosin të marrin këtë profesion, megjithatë ekspertët e Harëard-it janë të sigurt se kanë identifikuar 6 kushtet thelbësore për rritjen e fëmijëve të përsosur.

6 këshilla për rritjen e fëmijëve të përsosur sipas ekspertëve të Harëard

Të qenit prind nuk është një detyrë e lehtë, edhe pse i duam shumë fëmijët tanë nuk është gjithmonë e lehtë të dimë si t’i udhëzojmë, megjithatë duket se ekspertët e Universitetit të Harvard-it kanë kuptuar cilat janë 6 gjërat që do të lejonin çdo prind të rriste fëmijët në mënyrën më të mirë.

Në bazë të një arsimimi të mirë, sipas ekspertëve, duhet të ketë ndjeshmëri. Kjo do t’i lejojë ata të rrisin fëmijët e tyre duke i projektuar ata që të bëhen të rritur të kujdesshëm dhe bujarë dhe duke i ndihmuar ata të ushqejnë një ndjenjë etike dhe dhembshurie.

Ja këshillat për një prindërim të shkëlqyer:

  1. Bëhu një model i mirë

Ju mund ta keni vënë re që fëmijët janë sfungjer, ata ju vëzhgojnë dhe kopjojnë sjelljet tuaja para se të kuptoni nëse janë të drejta apo të gabuara. Ata thjesht i kopjojnë, sepse ju jeni modeli i tyre i parë. Secili prind ka përgjegjësinë të jetë burimi kryesor i frymëzimit për fëmijët e tyre. Mos harroni t’i tregoni atyre atë që dëshironi të jeni shembull për ta, të mbani gjithçka tjetër për veten tuaj dhe kur të ndjeni nevojën për të shpërthyer ose ta teproni, bëjeni larg tyre. Sipas ekspertëve, duke u thënë fëmijëve se çfarë është një fëmijë i mirë apo një person i mirë nuk është e mjaftueshme, ne duhet t’i demonstrojmë këto gjëra duke dhënë vetveten si shembull. Nëse u themi të mos hedhin mbeturina në rrugë dhe pastaj na kapin duke hedhur bishta cigaresh në tokë, mësimi ynë e humb vlerën e tij. Sjellja e fëmijëve është rezultat i gabimeve prindërore.

  1. Ndihmojini të kuptojnë se bota është e madhe

Fëmijët janë mësuar të lidhen me një rreth të anëtarëve të ngushtë të familjes dhe miqve, ndërsa, sipas ekspertëve, prindërit duhet t’i mësojnë ata të pranojnë dhe kuptojnë individët dhe kulturat nga e gjithë bota përreth tyre. Kjo i lejon ata të kenë një perceptim global dhe më të drejtë të botës.

  1. Kaloni çdo ditë kohë cilësore me fëmijët tuaj

Sa më shumë kohë që fëmijët kalojnë me prindërit e tyre, aq më shumë ata kuptojnë dhe aq më shumë vlera thithin, kështu që është e rëndësishme të kaloni kohë cilësore me ta. Për shembull, ekspertët rekomandojnë caktimin e një kohe specifike për të biseduar me fëmijët për ditën e tyre, për të bërë projekte arti, ose për t’u lexuar atyre çdo ditë histori.

  1. Demonstrojuni fëmijëve se dhembshuria është një cilësi shumë e rëndësishme

Mësojini fëmijët tuaj të jenë të mirë dhe të japin një përgjigje të ndërsjellë, le t’i bëjmë të kuptojnë se marrëdhëniet më të bukura janë ato që bazohen në mirësi dhe ndjeshmëri. Shmangni trajtimin e fjalimeve të këqija dhe negative, fëmijët kanë të drejtë të jetojnë të qetë dhe të shkujdesur, gjërat e këqija mund të ndikojnë në mirëqenien e tyre psikologjike, prisni derisa të rriten për gjëra të caktuara.

  1. Jepuni fëmijëve mundësinë për të vënë në praktikë cilësitë e tyre

Çdo fëmijë dhe çdo person ka pikat e forta dhe të dobëta, dhe mund të mburret me pikat e forta. Mësojeni fëmijën tuaj të përqendrohet në pikat e tij të forta sesa në pikat e dobëta. Mësojini atyre vlerën e zgjidhjes së problemit, kur ka një problem në shtëpi, le të marrin pjesë në diskutim dhe le të përpiqen të gjejnë zgjidhje, kjo do t’i lejojë ata që kur të rriten të përqendrohen në zgjidhje dhe jo në probleme në rast vështirësie. Si të rritur ata do të ndjehen më përgjegjës për lumturinë e tyre dhe të njerëzve përreth tyre.

  1. Mësojini fëmijët të kthejnë ndjenjat negative në pozitive

Fëmijët duhet të mësojnë se si të menaxhojnë emocionet e tyre që në moshë të vogël. Ata nuk duhet të kenë frikë nga emocionet negative, por të familjarizohen me to, të cilat gjithashtu janë pjesë e jetës. Është e rëndësishme t’i mësoni fëmijët të anashkalojnë këto emocione në mënyrë që ato të mos ndërhyjnë në qetësinë e tyre. Zemërimi, trishtimi ose xhelozia mund të ekzistojnë, por ato nuk duhet të dëmtojnë optimizmin e tyre.

Lërini fëmijët tuaj të lirë të kalojnë gjithçka që kanë mësuar tek të tjerët dhe të përgëzojnë çdo ndryshim pozitiv. Në fund, sigurohuni që t’i mësoni të dallojnë të mirën nga e keqja dhe të shmangin ndikimet negative.

 

Burimi / https://www.chedonna.it/

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top