Krishtlindjet familjare dhe festat janë ndoshta dy aspektet e vetme të sezonit të ftohtë që ne i vlerësojmë vërtet. Për pjesën tjetër, është një periudhë e vështirë, në të cilën e gjejmë veten duke shmangur sëmundjet e bezdisshme të stinës si gripi dhe ftohja.
Nuk është vetëm shëndeti që ndikohet nga klima e ashpër, por edhe bukuria, veçanërisht lëkura dhe flokët. Lëkura është shpesh e ndjeshme ndaj temperaturave të ulëta dhe ka tendencë të thahet ose skuqet dhe madje flokët bëhen më të brishtë. Kjo është arsyeja pse është mirë të nxitoni për t’u mbrojtur, ndoshta duke përdorur disa ilaçe të thjeshta natyrale, padyshim pas konsultimit me profesionistë të këtij sektori.
Qepa, një aleat i papritur i flokëve
Dikush me siguri do të çuditet kur të zbulojë se përbërësi misterioz është qepa, e njohur për faktin se nuk është veçanërisht aromatike. Mund të mos ketë një aromë të këndshme, por është e pasur me squfur, i njohur edhe si “minerali i bukurisë”. Në fakt, do të luante një rol themelor në shëndetin e lëkurës, thonjve dhe flokëve. Duke qenë një nga përbërësit kryesorë të keratinës, ajo ndihmon në forcimin dhe strukturën e lëkurës së kokës.
Pra, le të zbulojmë recetën e këtij vaji forcues dhe ndriçues, i cili i sheh qepët si protagoniste.
Përbërësit:
- 2 qepë;
- 100 g + 1 lugë gjelle vaj kokosi;
- Vaj esencial livando.
Përgatitja:
Pasi i keni prerë qepët në kubikë, vendosini në mikser dhe shtoni një lugë çaji vaj kokosi dhe përziejini derisa të përftoni një masë kremoze. Më pas kalojeni kremin në tigan dhe shtoni edhe 100 gr vaj kokosi duke e përzier mirë me një lugë druri. Lëreni të ziejë derisa qepa të marrë një ngjyrë kafe dhe më pas hiqeni nga zjarri.
Në një kavanoz qelqi vendosni një leckë mbi të cilën duhet të hidhni masën e përftuar dhe më pas shtrydheni për të marrë lëngun. Lëreni të ftohet dhe pasi të siguroheni se është e përshtatshme për lëkurën, shtoni disa pika vaj livando për të zbutur aromën e fortë të qepës. Në fund, derdhni përzierjen në një kavanoz tjetër dhe ruajeni mirë. Për të stimuluar rritjen e flokëve, idealja do të ishte aplikimi dy herë në javë, por mos harroni të kërkoni këshilla nga ekspertët.
Burimi / https://www.proiezionidiborsa.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
