Fjalët që u themi të dashurve tanë gjatë një debati ose në një moment kur ndjehemi të lodhur mund të jenë të rrezikshme, aq sa mund ta bëjnë jetën të padurueshme. Ndonjëherë ato mund të çojnë deri në ndarje.
Brightside koleksionoi 11 shprehje që më mirë të mos thuhen nëse nuk doni të pendoheni për fundin e marrëdhënies tuaj.
Shprehjet që zhvlerësojnë ndjenjat e partnerit.
Kjo ndodh rëndom kur themi fraza të tipit: “Ti mërzitesh kot!” “Është thjesht punë, dhe sa do vazhdosh te shqetësohesh për të?” Kështu ne nuk e ngushëllojmë partnerin apo ta bëjmë të ndjehet më mirë, por e gjykojmë. Gradualisht ai nuk do të hapet më, do të ndjehet i vetmuar, i fyer dhe kjo gjë nuk është e shëndetshme për marrëdhënien.
Fraza që shprehin indiferencë
Kur njëri nga partnerët humb interesin se si tjetri sillet kjo do të thotë se lidhja është drejt fundit. Kini kujdes me fjalët që thoni dhe diskutoni me partnerin.
Shprehjet krahasuese
Mos merrni kurrë një partner të dikujt tjetër si shembull. Në vend të kësaj fokusohuni tek cilësitë pozitive të partnerit tuaj.
Fjalët e përgjithshme
Shmangni fjalët si : “ gjithmonë”, “kurrë”, “shpesh” sepse me këto fjalë ju fajësoni partnerin tuaj për problemet e së djeshmes, së sotmes dhe të nesërmes. Është më mirë të flisni për ndjenjat tuaja në një situatë të pakëndshme dhe mos u përpiqni të gjeni fajtorin.
Fjalët që ulin vetëbesimin e partnerit.
Fjalët janë shumë me peshë për vetëbesimin e çdokujt dhe duhet të jemi të kujdesshmen qe ato të mos jenë të rënda si : “Çfarë burri e quan veten ti?” “Askush përveç meje nuk ka për të të duruar” etj.
Shprehjet që kërcënojnë ndarje
“Dua të ndahem”, “Do të shpërngulem” Nëse ndarja nuk është qëllimi juaj i vërtetë të,mos u nxitoni t’i thoni këto fjalë. Këto shprehje nuk e manipulojnë dot partnerin dhe nuk do të tërheqin vëmendjen e tij për mirë.
Frazat që shprehin pendesë mbi njohjen tuaj.
Është njësoj sikur të keni thënë: “Më mirë të mos ishim takuar kurrë!” Me këto shprehje ju fajësoni partnerin për mënyrën se si ka ecur lidhja juaj. Rruga e duhur është ndarja e përgjegjësisë për situatën e tanishme dhe çfarë mund të bëni mbi faktin qe asnjëri nga partneret nuk ndjehet i lumtur.
Frazat fajësuese.
Si shpjeguam me lart, këto fraza nuk ju çojnë askund. Është ndryshe kur ju shprehni cinizëm konstruktiv me qëllim përmirësimin e marrëdhënies, ama në këto raste gjetja e një fajtori për problemet tuaja bëhet më thelbësore se zgjidhja e problemit.
Fraza që ulin rëndësinë e partnerit.
“Unë mund të jetoj pa ty!” “Unë qëndroj akoma me ty për hir të fëmijëve tanë”. Këto fjalë janë kategorikisht të ndaluara sado i nxehtë të jetë debati. Mbani mend se dashuria është një vlerë më e madhe se sa konfliktet e përkohshme.
Fraza si “Nuk është puna jote!”
Në qoftë se i thoni partnerit këto fraza ai do të mendojë se ju nuk e respektoni dhe nuk e konsideroni të rëndësishëm për vendimet tuaja.
Fjalë ose veprime që tregojnë dëshirën për të mos bashkëpunuar në komunikim.
Heshtja është më e rrezikshme se fjalët. Kur ju përpiqeni t’i shmangeni bisedave me heshtje jeni duke pësuar një ndarje në komunikim. Si rezultat, partnerët nuk e kuptojnë njëri-tjetrin dhe problemet lindin.
E vetmja zgjidhje në probleme të tilla është të vendosni të flisni. Sado e vështirë mund të behet biseda është më mirë se sa gjërat e pasqaruara. Secili e meriton një mundësi për t’u dëgjuar.
Kujdesuni për marrëdhënien tuaj që dashuria të zgjas përgjithmonë!
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
