Trupi i njeriut është shumë ekspresiv, por të mësosh të interpretosh gjuhën e trupit nuk është një detyrë e lehtë. Pse është e rëndësishme? Ju ndihmon të kuptoni më mirë marrëdhënien dhe lidhjen me familjen, miqtë dhe të njohurit. Pavarësisht se si komunikojmë, toni i zërit dhe gjuha e trupit tonë përçojnë shumë më tepër se çfarë po themi. Sjellja jonë fizike flet më shumë se fjalët.
Leximi i gjuhës së trupit ose shenjave joverbale është një mënyrë për të ditur rreth njerëzve që shihni përreth ose keni ndërveprime me të. Kur e dini mënyrën e duhur, lehtë mund të tregoni shumë për ndjenjat, gjendjen mendore të dikujt ose për atë që ata po mendojnë në të vërtetë.
Kontakti me sy dhe buzëqeshja
Kontakti i drejtpërdrejtë me sy tregon interes nëse nuk zgjatet. Shikimi i shpeshtë ose shmangia e kontaktit me sy tregon se personi nuk ndjehet rehat ose nuk është i interesuar. Kur një person është i buzëqeshur dhe mban kontakt me sy, kjo tregon se ai është i interesuar për atë që po flisni.
Shprehjeve të fytyrës
Shpesh shprehjet tona të fytyrës mund të zbulojnë se çfarë po mendojmë në të vërtetë. Këto shprehje mund të tregojnë një sërë emocionesh si lumturia, trishtimi, zemërimi, frika, konfuzioni dhe eksitimi.
Qëndrimi dhe pozicioni
Kur njerëzit qëndrojnë drejt, është një qëndrim i fuqishëm që tregon se ata janë të sigurt. Nga ana tjetër, një qëndrim i shtrirë projekton më pak fuqi dhe mungesë besimi.
Krahët dhe këmbët e kryqëzuara
Kjo gjuhë e trupit tregon se një person nuk është i kënaqur me mendimet dhe praninë tuaj. Të ulesh me krahë ose këmbë të kryqëzuara paraqet një shenjë që një person nuk është i interesuar ose nuk refuzon të hapet me ty.
Lëvizje me duart ose gishtat
Kjo gjuhë e trupit tregon se një person është nervoz ose i shqetësuar. Prekja e vazhdueshme ka të ngjarë të thotë që personi po përballet me parehati ose po mërzitet.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
