Ndiheni në depresion? Përjetoni sulme paniku? Keni shqetësime obsesive? Ju sigurisht nuk jeni vetëm – për shkak të stresuesve të shumtë të këtij viti, shumë njerëz po përjetojnë probleme të shëndetit mendor. Në fakt, një sondazh i vitit 2020 raportoi se 56% e amerikanëve thonë se shqetësimi ose stresi në lidhje me pandeminë ka ndikuar negativisht në shëndetin e tyre mendor. Për më tepër, shumë individë po përballen me këto probleme për herë të parë.
Pavarësisht nëse keni përjetuar probleme të shëndetit mendor në të kaluarën ose po luftoni për herë të parë, diskutimi me të tjerët mund të jetë shumë i dobishëm. Kur bëhet fjalë për të folur për problemet e shëndetit mendor, nuk ka asnjë libër rregullash, por këtu janë katër strategji që mund t’iu ndihmojnë:
- Njihni qëllimin tuaj.
Çfarë shpresoni të merrni nga zbulimi i përpjekjeve tuaja? A shpresoni të merrni mbështetje për kërkimin e trajtimit? Dëshironi thjesht një vesh që t’iu dëgjojë? A doni të ndaloni të ndjeheni sikur duhet të pretendoni se nuk po dëmtoheni? Njohja e qëllimit tuaj do t’ju ndihmojë të merrni atë që ju nevojitet nga të tjerët.
- Gjeni kohë për bisedë.
Kjo nuk është diçka që duhet ta nisni në minutën kur dikush hyn në derë. Është më mirë të thuash diçka si: “Kam diçka të rëndësishme për të cilën do doja të të flisja. A mund të caktojmë një ditë për të biseduar?” Në atë mënyrë, si ju ashtu edhe shoku, partneri ose familjari juaj do të ndihet i përgatitur për bisedën.
- Filloni me një dëgjues vërtet të shkëlqyeshëm.
Në vend që të bëni një njoftim të madh në një mbledhje familjare, filloni duke biseduar me një person që është vërtet mbështetës. Kjo mund t’ju ndihmojë të krijoni vetëbesim për të folur me të tjerët. Ju gjithashtu mund të dëshironi ta rekrutoni këtë person për t’ju ndihmuar të ndani historinë tuaj me njerëzit e tjerë të rëndësishëm në jetën tuaj.
- Anëtarësohuni në një grup mbështetës.
Ka shumë organizata që sponsorizojnë grupe ku mund të diskutoni simptomat tuaja dhe të zbuloni se si komunikuan anëtarët e grupit me miqtë dhe familjen e tyre. Mund të jetë sfiduese të tregoni para të tjerëve problemet tuaja të shëndetit mendor, por ndarja mund të jetë shumë e vlefshme.
Të folurit me miqtë dhe familjen mund të jenë të dobishme, por nëse jeni duke përjetuar ndjenja të zgjatura depresioni ose simptoma të tjera të sëmundjes mendore, ju duhet të kontaktoni për ndihmë një profesionist mjekësor.
Burimi / https://www.mindbodygreen.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
