Lifestyle

September 29, 2020 | 8:16

Si të pastroni furrën? Detergjenti 100% natyral dhe mjaft efektiv

Dëshironi të pastroni furrën pa shumë përpjekje? Provoni një metodë natyrore dhe pa detergjentë për ta bërë atë të shkëlqejë.

Furra e ndotur është e vështirë të pastrohet në mënyrë të përsosur. Për ta pastruar plotësisht, shpesh është e nevojshme të përdorni produkte kimikisht agresive. Por ka një metodë 100% natyrale për ta bërë furrën tuaj të shkëlqejë.

Si të pastroni furrën, ilaçi natyral dhe efektiv

Ëmbëlsirat, pjekjet, pitet, mishi dhe shumë më tepër gatuhen çdo ditë në shtëpi duke përdorur furrën. Pas përdorimit, papastërtitë e mbetura bëhen të vështira për t’u hequr. Më pas për ta pastruar mirë dhe për ta bërë të shkëlqejë përdoren produkte kimike shumë agresive.

Kimikatet që përmbahen në këto produkte nuk janë të shëndetshme për mukozën tonë të frymëmarrjes: soda kaustike, butani, propani dhe shumë përbërës të tjerë mund të jenë toksikë. Ekziston një alternativë e vlefshme për këto produkte potencialisht toksike: një ilaç natyral dhe efektiv për t’u përdorur në mënyrë të sigurt edhe disa herë në javë.

Si të përgatitni ilaçin natyral?

Një ilaç i bazuar në limon, sodë buke, uthull dhe ujë, shumë i vlefshëm për pastrimin e furrës me xham të dyfishtë, por edhe të gjitha furrat e tjera. Kombinimi i këtyre 4 përbërësve është një ‘vrasës’ i papastërtive, baktereve dhe për të hequr njollat e vështira.

Përzieni në një tas të vogël:

  • 5 lugë sodë buke
  • gjysmë gote ujë
  • 1/4 limon i shtrydhur
  • 2 lugë gjelle uthull të bardhë

Përzieni të gjithë përbërësit së bashku dhe me një sfungjer të lagur merrni përzierjen dhe përhapeni në furrë, duke fërkuar në pjesët më të pista. Ndizni furrën në 100° dhe lëreni përzierjen të veprojë për 30 minuta me furrë të ndezur. Fikni furrën dhe me një leckë të lagur hiqni mbetjet e yndyrës dhe papastërtive tashmë të lëngëzuara.

Furra do të jetë plot shkëlqim dhe pa njolla, njësoj si të ishte e re!

Falë kësaj metode natyrale, ju do të keni pastruar furrën deri në përsosmëri, do të keni respektuar mjedisin me një pastrim ekologjik dhe gjithashtu do të keni ruajtur shëndetin tuaj nga gazrat toksike.

3 mjete të tjera efektive për pastrimin e furrës

Provoni këto 3 mjete alternative efektive dhe ekologjike kundër papastërtive brenda furrës.

Limon: fërkoni lëngun e limonit në xhamin e pisët, ngroheni për 20 minuta në 70° dhe pasi ta fikni hiqni papastërtitë.

Sapun ulliri: është një përbërje me ullinj, vaj, kripë dhe ujë. Është një sapun ekologjik, vendoseni aty ku ka papastërti dhe fërkojeni me një sfungjer të lagur. Hiqni mbetjet dhe furra do të duke si e re.

Kripë: përzieni 1 lugë gjelle kripë, 1 sodë buke, 2 uthull dhe 4 ujë. Përhapeni këtë përzierje me një sfungjer dhe pastroni plotësisht furrën tuaj duke hequr të gjitha papastërtitë.

 

 

Burimi / https://www.lettoquotidiano.it/

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top