Rënia në peshë nuk është shenja e vetme që fëmija ose një person i dashur për ju, mund të ketë një çrregullim në të ngrënë.
Shumica e të rriturve nuk i njohin simptomat e anoreksisë dhe bulimisë. Por zbulimi i shenjave që në fillim të këtij çrregullimi mund të shpëtojë jetë, pasi një trajtim i vonuar rrit rrezikun që sëmundja të përparojë shumë dhe të zgjasë më shumë në kohë.
Anoreksia mund të identifikohet nëpërmjet shenjave të tilla si:
Rënie nga pesha
Marrje mendsh dhe lodhje
Presion i ulët i gjakut
Mungesë e menstruacioneve
Thonj të brishtë
Lëkurë e thatë
Dehidratim
Kapsllëk
Cilat janë efektet e anoreksisë?
Efektet e anoreksisë ndryshojnë në varësi të ashpërsisë së sëmundjes. Ato kanë tendencë të përkeqësohen ndërsa personat që vuajnë nga anoreksia e shmangin ushqimin.
Anoreksia sjell pasoja të tilla si:
Mungesë dëshire për të ndjekur studimet
Humbje e besimit
Ndërprerje e karrierës
Izolim nga miqtë dhe familja
Vetëvrasje.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
