Gratë zakonisht janë më të zellshme se burrat kur bëhet fjalë për kujdesin e tyre shëndetësor. Por, shumë gra injorojnë simptomat që mund të jenë treguese të kancerit.
Shumë forma të kancerit mund të shërohen nëse kapen herët. Shembujt e mëposhtëm tregojnë disa nga simptomat pë të cilat gratë duhet të flasin me mjekun e tyre nëse i përjetojnë ato. Vetëm se një grua ka këto simptoma nuk do të thotë se ka kancer, por është e rëndësishme që të bëhet një vlerësim i mjekut për ta përjashtuar si mundësi.
Humbje e pashpjegueshme e peshës
Humbja e pashpjegueshme e peshës mund të jetë simptomë e një kanceri. Shumë gra do të ishin të kënaqura të humbnin peshë pa u përpjekur, por kur një grua humbet peshë pa dietë ose ushtrime, kjo duhet të kontrollohet. Qelizat kancerogjene shpesh përdorin shumë nga furnizimi me energji i trupit, gjë që mund të çojë në këtë humbje peshe. Një mjek do të kryejë teste për të përjashtuar kancerin dhe për të përcaktuar nëse humbja e peshës është shkaktuar nga një problem tjetër si një tiroide tepër aktive.
Fryrja
Shumë gra përjetojnë fryrje të barkut si një pjesë normale e ciklit të tyre mujor. Por nëse fryrja është çdo ditë dhe zgjat për disa javë, konsultohuni me mjekun tuaj. Shenjat e kancerit të vezoreve përfshijnë fryrje të stomakut dhe probleme të tjera të tretjes, dhimbje barku ose legeni, ndjenjë të ngopjes shpejt edhe nëse nuk keni ngrënë shumë dhe urgjencë urinare. Mjeku juaj mund të rekomandojë një skanim CT dhe të kryejë teste gjaku për të ndihmuar në diagnozën.
Ndryshimet e gjirit
Grave u thuhet të bëjnë vetë-kontrolle të rregullta të gjirit dhe të shohin për gunga, por ka edhe ndryshime të tjera të gjirit për të parë. Simptomat e kancerit inflamator të gjirit përfshijnë skuqjen dhe trashjen e lëkurës në gji. Shumë gra kanë gunga që vijnë dhe ikin gjatë ciklit të tyre. Një gungë e re që nuk zhduket për rreth një muaj, por përkundrazi po zgjerohet ngadalë duhet të kontrollohet menjëherë.
Burimi / telegrafi.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
