Mënyra se si sillemi kur jemi në shtëpi, ose kur jemi me miqtë mund të jetë e papërshtatshme për ambientin tonë në punë. Në fakt, problemi i vërtetë qëndron në aspektin, që drejtuesit tuaj nuk do ua vënë në dukje nëse ju po silleni në një mënyrë të papërshtatshme por do ju penalizojnë sapo të kenë mundësi.
Më poshtë ju rendisim disa nga sjelljet e zakonshme më të papërshtatshme, të cilat penalizojnë performancën tuaj në punë!
Reklamimi i tepërt
Aktiviteti juaj i fundjavës, apo qoftë dhe gjatë javës, të cilin ju e ndani me kolegët e tuaj të punës, mund të mos jetë dhe aq i domosdoshëm. Ndarja e tepërt e detajeve dhe ngjarjeve që ju keni përjetuar mund t’u japë njerëzve përshtypjen se jeni narcist dhe keni tepër nevojë për vëmendje. Mënyra më e mirë për të vepruar në raste të tilla është të filloni bisedën dhe më pas të shihni nëse kolegët do ju pyesin për më shumë detaje.
Ankesat e shumta
Të keni ditë të lodhshme në punë, është mëse normale, por të ankoheni për problemet që ju hasni çdo ditë është paksa e tepërt! Mos lejoni që një ditë e keqe, t’ju ndalojë të jeni pozitiv apo aq më keq, të jeni i papëlqyer nga të tjerët. Zgjidhini betejat tuaja në heshtje dhe bëhuni sa më tërheqës për kolegët dhe pse jo mbështetës për ta.
Gënjen ose vjedh
Disa njerëz mendojnë se një gënjeshtër e bardhë është e pranueshme, por e kanë gabim! Në punë, çdo gënjeshtër është sjellje e papranueshme dhe e njëjta gjë vlen edhe për marrjen e sendeve që nuk janë tuajat. Sjellja e vogël joetike mbetet ende joetike, edhe nëse ju i dëshmoni atyre arsyen e veprimit tuaj. Nëse ju shkelni rregullat ose ligjin hapur për gjëra të vogla, do jeni gjithmonë të paragjykuar se do e bëni këtë veprim sërish, por në mënyra më të rënda.
Të qenit vonë
Pavarësisht nëse jeni vonë për të punuar, vonë në mbledhje, ose vonë në takime, njerëzit lodhen gjithmonë të presin dikë që nuk paraqitet. Kjo ju bën të dukeni egoist, të paorganizuar dhe të mosrespektoni kohën e tjetrit. Ka shumë mjete për t’ju ndihmuar të mbani shënimet e punëve që keni. Bëni përpjekjet tuaja dhe do shihni ndryshimin që do keni!
Të bërit dramë çdo gjë që ju ndodh
Askush nuk ka kohë për demoralizim dhe justifikime. Jeta mund të jetë një sfidë për të gjithë në një kohë ose në një tjetër. Të keni një problem nuk ju bën ju më shumë fatkeq se të tjerët. Në fakt, ju mund të keni luksin të shprehni emocionet tuaja me lehtë se sa të tjerët, derisa të kuptoni që të gjithë ju evitojnë për shkak të energjisë negative që shpërndani dhe lodhjen mendore që shkaktoni.
Thashetheme
Njerëzit mund të kënaqen nëse jeni ju ai person që i jepni gjithmonë i pari të rejat më të fundit që kanë ndodhur në punë, por njëkohësisht do ju etiketojnë si një person të cilit nuk mund t’u besojnë asnjë informacion të rëndësishëm.
Veshja shumë e zakonshme
Është mjaft komode, nëse ju nuk jeni të detyruar të vishni një uniformë të caktuar në punë, ose nëse nuk jeni të detyruar të vishni kostum dhe kravatë përditë. Por gjithmonë është më mirë të visheni të paktën një nivel më mirë se sa kërkohet. Ky veprim do ju bëjë të ndiheni më profesionistë dhe njerëzit do ju admirojnë për stilin tuaj të veshjes.
Duke vepruar si hipokritë
“Bëni siç them unë dhe mos u sillni siç bëj unë” nuk do të shërbejë si një mënyrë për të ndihmuar të tjerët, përkundrazi kjo sjellje do zvogëlojë autoritetin tuaj shpejt. Drejtoni duke q enë një shembull. Adoptoni një qëndrim të caktuar, për të qenë sa më i besueshëm dhe do shihni se si njerëzit do ju marrin si referencë për çdo gjë.
Fajësimi i të tjerëve
Njerëzit vlerësojnë dhe respektojnë të tjerët që mund të marrin përgjegjësi për veprimet e tyre. Hedhja fajit tek të tjerët, ju bën të dukeni të papërgjegjshëm dhe të dobët. Mundësitë e lidershipit u shkojnë atyre që janë përgjegjës dhe që ndihmojnë të tjerët të lartësohen në vend që t’i nxjerrin kolegët të paaftë.
Burimi / http://www.scan-tv.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
