I mirë dhe i shëndetshëm, spinaqi është një perime me gjethe jeshile shumë e njohur në kuzhinë. I pasur me fibra, vitamina, kalium, kalcium, ai shquhet për vetitë e shumta të dobishme për trupin tonë. Por në fakt ai nuk është shumë i pasur me hekur. Ky është një mit i rremë. Le të zbulojmë gjithçka që duhet të dini për këtë perime të shijshme dhe si ta përdorim atë në recetat tona, nga mezet deri te gatimet kryesore.
Spinaqi
Perime me gjethe jeshile shumë e pëlqyer në kuzhinë, e shkëlqyer si pjatë anësore dhe si përbërës në meze, pjatat e para dhe të dyta. Ai i përket familjes së chenopodiacee (Spinacia oleracea) dhe megjithëse kultivohet kudo, ai është me origjinë nga vendet e Azisë perëndimore. Spinaqi është i mirë për shëndetin tuaj sepse ka veti të panumërta, por nuk ju bënë më të fortë. Përmbajtja e hekurit në fakt është shumë e kufizuar. Ai gjendet më shumë në ushqime të tjera si thjerrëzat, fasulet, qiqrat, bajamet e thata.
Vetitë dhe përfitimet
I pasur me fibra, vitamina, karotenoide, acid folik, luteinë, kalium, kalcium, spinaqi shquhet për veti të shumta.
Këtu janë vetitë e tij kryesore:
- Acidi folik që përmbahet në to ndihmon sistemin imunitar, prodhimin e qelizave të kuqe të gjakut dhe rinovimin e qelizave.
- Celuloza ndihmon zorrët të funksionojnë mirë
- Fibrat ndihmojnë në rregullimin e tranzitit të zorrëve duke parandaluar kapsllëkun
- Kanë veti pastruese
- Është aleat i shikimit falë pranisë së zeaksantinës dhe luteinës
- Është antioksidues
A na bën vërtetë më të fortë?
Dr. Giuseppe Scopelliti shpjegon se është një mit i rremë. Në fakt, “spinaqi siguron më pak se 3 mg hekur për 100 gramë produkt”, për të mos përmendur që trupi ynë e thith shumë pak atë. Përveç kësaj, spinaqi përmban substanca që reduktojnë më tej përthithjen e tij. Prandaj nuk është e vërtetë që spinaqi është një burim i mirë hekuri. Ndër të tjera, ka ushqime që përmbajnë shumë më tepër.
Për sa i përket hekurit bimor, një truk për të rritur përthithjen e tij, shpjegon doktor Scopelliti është ta kombinoni me perime dhe ushqime që përmbajnë vitaminë C, si portokalli apo specat.
Kaloritë
Spinaqi nuk përmban kalori, në 100 gramë gjejmë rreth 31 Kcal. Ai është i pasur me ujë dhe mund të konsumohet në mënyrë të sigurt gjatë një diete për humbje peshe. Me kusht që gjendja shëndetësore të jetë e mirë.
Si ta konsumoni?
Spinaqi mund të hahet si i gatuar ashtu edhe i papërpunuar. Megjithatë, është më mirë të mos e gatuani për një kohë të gjatë për të mos humbur vitaminat e çmuara dhe për të favorizuar gatimin në tigan ose në avull. I papërpunuar është po aq i mirë për të nxitur përthithjen e hekurit.
Burimi / https://www.nonsprecare.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
