Ankthi në punë është një shqetësim që godet mijëra punonjës dhe kjo është krejtësisht normale. Por, theksojmë se kur është i vazhdueshëm, i paarsyeshëm dhe dëmton funksionimin e përditshëm, mund të tregojë një çrregullim ankthi.
- Nëse jeni viktimë e një gjendjeje ankthi është e nevojshme të rregulloni ritmin e frymëmarrjes. Uluni në karrige dhe mbështesni një dorë në bark. Merrni frymë thellë dhe shumë ngadalë, duke ndjekur me dorë lëvizjet e diafragmës. Përsëriteni këtë teknikë deri sa t’ju largohet ndjesia e shtypjes në kraharor dhe stomak.
- Një mënyrë tjetër është t’i përsërisni vetes se gjendja do të përmirësohet dhe se në të vërtetë gjithçka shkon mirë. Kjo teknikë, e quajtur “self-talking”, ndihmon në qetësimin e mendjes dhe trupit në situata të forta stresi.
- Pushimi për disa minuta, duke u larguar në një vend të qetë dhe të izoluar, mund të jetë një zgjidhje e mirë për të luftuar ankthin.
- Së fundi, organizimi i rendit të punëve ju ndihmon në reduktimin e ankthit. Një plan ditor i saktë do t’ju ndihmojë ta përballoni më me qetësi ditën.
Mundohuni të mbani trupin dhe mendjen në formë për të trajtuar situata të vështira.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
