Sipas një studimi të ri alkooli dëmton trurin më shumë se kanabisi.
Ndryshe nga pijet alkoolike, kanabisi nuk ndikon në madhësinë apo integritetin e materies së bardhë apo gri në tru.
Materia gri mundëson që truri të funksionojë ndërsa e bardha kontrollon komunikimin midis grupeve nervore.
“Ndërsa marihuana mund të ketë edhe disa pasoja negative, përfundimisht nuk është aspak pranë pasojave negative të alkoolit,”-tha autori i studimit, profesor Kent Hutchison nga Universiteti i Kolorados Boulder.
Megjithatë shkencëtarët shtojnë se hulumtimet mbi efektet mentale të kanabisit janë ende shumë të kufizuara.
“Veçanërisht mbi përdorimin e marihuanës, dimë shumë pak se sa impakt ka tek truri.”
Në SHBA, 44 % e njerëzve të moshës 12 vjeç e lart kanë përdorur kanabis të paktën një herë në jetën e tyre.
Uashingtoni, Oregoni, Kalifornia, Alaska dhe Kolorado kanë legalizuar marihuanën për përdorim mjekësor ose rekreacion.
Burimi / oranews.tv
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
