Studiuesit paralajmërojnë se djemtë e lindur për gratë më të vjetra kanë më shumë gjasa të kenë probleme me zemrën gjatë jetës së tyre. Amësia e vonuar tashmë është e njohur për rritje të rrezikut të ndërlikimeve në shtatzëni.
Por në studimet e fundit shkencëtarët kanë gjetur tendencën në rritje të vendosjes së karrierës përpara fillimit të një familjeje që mund të ketë një ndikim edhe më të madh në gjeneratat e ardhshme.
Në eksperimente, meshkujt e lindur nga minjtë femra më të vjetra, ekuivalente në moshë, me një grua 35 vjeç, kishin zemra dhe enë gjaku më të dobëta.
Ekipi hulumtues në Universitetin e Alberta, Kanada, tha se shtyrja e prindërimit i bën pasardhësit më të prirur ndaj sëmundjeve kardiovaskulare, kur të jenë të rritur.
Pasardhësit femra nuk kanë të njëjtin efekt. Studiuesja kryesore Sandra Davidge tha: ‘Ky hulumtim është i rëndësishëm sepse përmirëson kuptueshmërinë tonë për ndikimin e lindjes në një moshë më të vjetër’.
Në studimet e ardhshme, studiuesit do të shqyrtojnë nëse gjetjet, të botuara në The Journal of Physiology, janë të vërteta tek njerëzit. Davidge tha se një fokus i veçantë do të ishte roli i placentës.
Numri i nënave të vjetra është rritur, duke rritur moshën mesatare të amësisë së parë në Angli në 28.6 krahasuar me 23.5 në vitin 1970. Përqindja e nënave mbi 40 vjeç është trefishuar nga 4.9 për 1,000 në vitin 1984 në 14.7 për 1,000 në vitin 2014.
Shoqëria britanike e pjellorisë ka paralajmëruar se të famshmit që kanë fëmijë në moshën 40 vjeçare po japin shpresë të rreme për amësinë e vonë, pasi “foshnjat e mrekullisë” shpesh kanë nevojë për IVF ose donatorë.
Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
