A mund ta dallojmë të qeshurën e drejtuar ndaj miqve nga e qeshura e drejtuar ndaj partnerëve romantikë? Një seri prej tre studimesh të publikuara në Journal of Nonverbal Behavior sugjerojnë po, duke gjetur se e qeshura në miqësi konsiderohej më e natyrshme dhe më pak e prekshme sesa e qeshura romantike.
Tek njerëzit, aftësia për të qeshur shfaqet qysh në moshën katër muajshe, ku e qeshura është shprehja më e njohur e emocioneve pozitive nëpër kultura. Sally D. Farley dhe kolegët shkruajnë, “Ka të ngjarë të ketë një model të dyfishtë rrugësh për prodhimin e të qeshurit që bën dallimin midis të qeshurës spontane (autentike) dhe të vullnetshme (të manipuluar). E qeshura mund të sinjalizojë përkatësinë e dikujt, si dhe të inkurajojë dhe mbajë marrëdhënie pozitive. Në këtë punë, ekipi i Farley ekzaminoi aftësinë për të dalluar të qeshurën e drejtuar drejt dy grupeve me përkatësi të lartë: miqve dhe partnerëve romantikë.
Nga studimet doli se pjesëmarrësit patën një saktësi më të mirë sesa rastësi në dallimin e të qeshurës së miqësisë nga e qeshura romantike. Gjithashtu, kishte saktësi më të madhe për mostrat e miqësisë (në krahasim me romantike). Ndërsa nuk kishte dallime midis burrave dhe grave në identifikimin e të qeshurës miqësie, gratë kishin saktësi më të lartë për të identifikuar të qeshurën romantike. E qeshura me miqtë u vlerësua si më e zhurmshme, më e ngrohtë, më e ndryshueshme, e natyrshme, e relaksuar, frymëmarrëse dhe mbizotëruese, krahasuar me të qeshurat me partnerët romantikë. E qeshura e meshkujve u perceptua si më mashkullore, e relaksuar dhe më e natyrshme, ndërsa e qeshura e femrave u vlerësua si më e zhurmshme, më e ngrohtë dhe më e ndryshueshme.
Përgatiti K.I / Burimi www.psypost.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
