Nëse ndiheni të stresuar në zyrë, një çaj i ëmbël ose kafe duket si alternativa më e mirë.
Sipas shkencëtarëve, konsumimi i sheqerit mund të çojë në limitimin e hormonit kortizol, i cili çlirohet në trup kur ne përjetojmë stres. Kërkues në SHBA analizuan efektet e pijeve të ëmbëlsuara në 19 gra të moshës 18 deri 40.
Gjysmës së grupit iu dhanë pije me sheqer në mëngjes, drekë dhe darkë për 12 ditë me radhë, ndërsa gjysmës tjetër iu dhanë pije me ëmbëltues artificial. Vullnetarët nuk konsumuan pije të tjera me përmbajtje sheqeri si, lëngje frutash etj.
Para dhe pas periudhës së studimit, femrave iu dha një test i vështirë matematike dhe u skanuan me metodën MRI për të matur përgjigjen e trurit të tyre ndaj stresit. Kampionë të pështymës u përdorën gjithashtu për të parë nivelin e kortizolit.
Vullnetaret që kishin konsumuar pije me sheqer kishin prodhuar më pak kortizol përgjatë testit të matematikës krahasuar me ato që kishin konsumuar pije me ëmbëltues artificial.
Dr. Kevin Laugero, një nga kërkuesit e Universitetit të Kalifornisë, Davis, tha: ‘Kjo është prova e parë që konsumimi i sheqerit mund të ulë nivelin e stresit tek njerëzit.’
Kërkimet u publikuan në gazetën Clinical Endocrinology & Metabolism, dhe këshilluan se stresi kronik i çon njerëzit të krijojnë një zakon të konsumimit të sheqerit, por kjo nuk rekomandohet sepse sheqeri i tepërt lidhet me problemet shëndetësore si dhe obezitetin.
Rezultatet sugjerojnë se diferencat në zakonet dietike mund të shpjegojnë pse disa njerëz nuk reagojnë shumë ndaj stresit ndërsa të tjerë mbireagojnë. Një reagim normal ndaj stresit është i rëndësishëm për shëndetin e mirë.
Burimi / telegrafi.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
