Sipas një studimi të ri, më pak se 8% e grave që ngrijnë vezët e tyre kthehen t’i përdorin ato. Hulumtuesit kanë ndjekur deri në 563 raste të grave që ngrinin vezët e tyre në mes të janarit 2009 dhe nëntorit 2017.
Vetëm 7.6 % e grave, 43 gra, u kthyen për të përdorur vezët e tyre dhe vetëm një në tre prej tyre rezultonte me sukses për të patur një fëmijë. Hulumtimi u krye nga Qendra e Brukselit për Mjekësinë Riprodhuese, një nga qendrat më të mëdha të fertilitetit në Evropë.
Dr. Michel De Vos, udhëheqësi i studimit, u shpreh në një konferencë në Barcelonë ‘nuk dihet shumë për ngrirësit e vezëve dhe rezultatet e tyre riprodhuese’.
Shqyrtimi i të dhënave zbuloi se mesatarisht gratë që ngrinin vezët e tyre ishin 36.5 vjeç dhe ruanin diku te tetë dhe 16 vezë. U zbulua se mosha mesatare e grave që kthehen për të përdorur vezët e tyre të ngrira ishte 42 vjeç.
Duke komentuar mbi këtë hulumtim, Dr. Gillian Lockwood nga Midland Fertility Services, një ofrues kryesor në Mbretërinë e Bashkuar të IVF tha se gjetjet “pasqyrojnë atë që gjetëm në Mbretërinë e Bashkuar”.
Përgatiti: Brikela Daci | Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.