Në Uashington, 20 janarin e ardhshëm, Donald Trump do të emërohet zyrtarisht si presidenti i dyzetepestë i Shteteve të Bashkuara të Amerikës gjatë ceremonisë rituale vendosjes në Shtëpinë e Bardhë. 
Pas deklaratës së stafit të Trump për praninë e Elton John në ceremoninë e inaugurimit të mandatit Trump, vjen dhe mohimi i thatë i artistit. Lajmet e ditëve të fundit në lidhje me ditën e madhe, kanë në qendër refuzimin e mprehtë nga ana e Sir Elton John në lidhje me praninë e tij të mundshme në ceremoninë e mandatit të ri presidencial për Trump. Anthony Scaramucci, anëtar i ekipit organizues të Trump, tha për BBC se “Sir Elton do të kish dashur të luante në këtë ceremoni, për të demonstruar mbështetjen e tij për të drejtat e komunitetit LGBT.
Mohimi i Elton John
Por, me sa duket, Elton nuk do ta prekë kurrë atë skenë, aq më pak për Donald Trump. Zëdhënësi i artistit ka përjashtuar praninë e tij në këtë ceremoni. E vështirë për ta menduar: Elton John ka qenë një mbështetës i madh për fushatën e Hillari Klinton në tetor, ku dha për të një koncert së bashku me artistë të tjerë, duke mos e lënë rastin për të deklaruar publikisht: “Nuk mund ta lëmë këtë barbar të shkojë në Shtëpinë e Bardhë”.
Artistët që nuk e duan Trump
Përgjatë fushatës elektorale u pa qartë se “Donald” nuk ka shumë miq muzikantë: në maj të vitit të kaluar Rolling Stones e urdhëroi atë të mos përdorte këngët e tyre dhe më përpara tyre ishte britanikja Adele, Everlast për këngën Jump Around të House of Pain, Aerosmith dhe Queen.
Pas 7 nëntorit që shkoi, shumë artistë manifestuan hapur zhgënjimin e tyre. Lady Gaga protestoi në rrugët e Nju Jorkut, dhe në ceremoninë e dhënies së çmimeve MTV EMA 2016, Green Day kënduan klasiken e tyre “American Idiot” për “nder” të presidentit të ri.
Nga ana tjetër, pasioni i madh i Barak Obamas për muzikën, kurrë nuk ka qenë mister. Ish-presidenti është përkufizuar si “yll rroku i politikës”, dhe me kalimin e viteve ka nxjerrë disa playlist-a në Spotify: njëra prej tyre me këngët e preferuara nga trajnimi fizik ose në verë apo akoma, një nga këngët që dëgjonte gjatë fushatës së rizgjedhjes si president në 2012.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
