Këshilla & Arsye

January 12, 2018 | 12:15

Të kënduarit shëron depresionin tek nënat pas lindjes

Të kënduarit mund të ndihmojë nënat të shërohen nga depresioni pas lindjes më shpejt, sugjeron studimi i realizuar nga University College London.

Studiuesit zbuluan se gratë që morën pjesë në grupet e këngës së bashku me foshnjat e tyre, përjetuan një përmirësim shumë më të shpejtë në simptomat e depresionit sesa të tjerat.

Studimi, i botuar në Journal British of Psychiatry, mori në studim 134 nëna me depresion pas lindjes.

Nënat u ndanë në tri grupe: grupin e të kënduarit, në grupin e lojërave dhe në grupin e tretë nënat u bazuan tek mbështetja e familjes apo mjekimet antidepresantë.

Nënat të cilat kënduan pranë foshnjave të tyre ninulla nga e gjithë bota, ose krijuan këngë të reja për amësinë, treguan shërim shumë më të shpejtë se sa nënat në grupin e lojërave dhe në grupin e trajtimeve të tjera.

Ndonëse u raportua se të 3 grupet patën shërim pas 10 javësh, por vetëm në gjashtë javët e para nënat tek grupi i këngës kishin raportuar një rënie mesatare prej 35 për qind të simptomave depresive.

Autorja kryesore e studimi, Dr Daisy Fancourt, nga University College London, tha se këndimi ishte një tjetër terapi e dobishme për t’u ofruar grave pas lindjes./gsh.al

To Top

Powered by themekiller.com anime4online.com animextoon.com apk4phone.com tengag.com moviekillers.com