Testi i sotëm nuk do t’ju tregojë (vetëm) nëse jeni një person i sigurt ose i pasigurt. Ai gjithashtu do të nxjerrë në pah disa anë të personalitetit tuaj, të cilave zakonisht nuk u kushtoni vëmendje të veçantë. Kur bëhet fjalë për marrëdhëniet njerëzore, njerëzit mund të ndahen në introvertë dhe ekstrovertë, të rezervuar ose të larguar, të ftohtë ose të dashur, etj.
Çfarë është karizma? Epo, ajo është një karakteristikë e personalitetit tipik të yjeve të rock-ut, politikanëve, aktorëve por edhe të njerëzve që, ndërkohë që bëjnë punë absolutisht të zakonshme, janë në gjendje të tërheqin vëmendjen e atyre që i rrethojnë.
Dikush mund të pyesë, nëse karizma është një dhuratë e natyrshme apo nëse mund të mësohet. Përgjigja është se të kesh një karizëm natyrale të lejon të ushtrosh “pushtet” mbi njerëzit e tjerë në mënyrë shumë të natyrshme, por sigurisht që ka edhe teknika të dizajnuara për të tërhequr vëmendjen e dëgjuesve. Megjithatë, duhet të theksohet se karizma natyrore nuk mund të zëvendësohet, sepse ajo rrjedh nga siguria e brendshme e një personi, nga aftësia e tij për të qenë i qetë në këpucët e veta dhe në një situatë të caktuar.
Në këtë pikë bërja e këtij testi do t’ju lejojë të kuptoni nëse jeni një person me siguri natyrore dhe vetëbesim ose nëse jeni një person i pasigurt, i cili nuk ka gjetur ende një mënyrë për t’u shprehur plotësisht.
Testi i karizmës
Për të kryer këtë test do t’ju duhet të vëzhgoni për disa sekonda imazhin që ju ofrojmë. Në këtë pikë do t’ju duhet të pyesni veten se çfarë keni parë së pari, pra cili imazh është “formuar” para syve tuaj. Mos harroni se nuk ka përgjigje të saktë dhe përgjigje të gabuar!
- Vazo me lule
Në qendër të imazhit mund të dalloni një tufë me trëndafila të bardhë dhe lule të tjera më të gjata të vendosura në një vazo qelqi transparente me forma elegante të rrumbullakosura. Nëse keni parë së pari vazon e kristaltë me trëndafila brenda saj, do të thotë se jeni një person jashtëzakonisht i ndjeshëm dhe transparent: nuk jeni në gjendje t’i fshihni emocionet tuaja.
Çdo gjë që ndjen perceptohet menjëherë nga jashtë, pa qenë në gjendje të vendosësh një filtër midis asaj që ndjen dhe asaj që shfaq. Kjo vjen nga fakti që ju keni një shpirt të bardhë si trëndafilat që keni parë dhe se duhet të ndjeni një hapësirë të sigurt rreth jush (si vazoja e kristaltë që mban ujin e nevojshëm për jetën e trëndafilave).
Ne kemi vetëm një këshillë për ju: mos e ndrydhni veten tuaj për shkak të frikës! Përpiquni herë pas here të bëni diçka që ju shtyn përtej kufijve tuaj dhe që ju lejon të kuptoni sa të fortë jeni dhe çfarë mund të arrini kur angazhoheni plotësisht dhe pa frikë!
- Violina
Artisti që ka pikturuar këtë foto nuk ka pikturuar një violinë të madhe në qendër të skenës. Piktori u kufizua në organizimin dhe pikturimin e elementëve të tjerë në mënyrë të tillë që në tërësi të ngjanin në formën e një violine në këmbë. Është një iluzion optik jashtëzakonisht interesant, sepse na lejon të komunikojmë drejtpërdrejt me pavetëdijen tonë dhe të kuptojmë se si funksionon.
Nëse keni parë violinën përpara vazos do të thotë se jeni një person jashtëzakonisht i sigurt në vetvete, që pëlqen të shprehë personalitetin e tij në çdo rast të mundshëm. Karizma juaj shfaqet gjithmonë, edhe kur bëni gjeste të vogla të përditshme ose kur flisni me miqtë tuaj në një diskutim krejtësisht normal. Njerëzit që janë pranë jush ndjejnë një ndjenjë qetësie dhe sigurie që vjen nga ju, të cilat janë përbërësit kryesorë të karizmës instinktive.
Kur njerëzit ju vëzhgojnë, ata ndiejnë besim tek ju dhe janë të prirur që shpesh të pajtohen me ju, pavarësisht asaj që thoni, ata e bëjnë këtë për mënyrën e thjeshtë, por të prerë dhe bindëse në të cilën i shprehni idetë tuaja. Këshilla jonë është të vazhdoni kështu, por kini kujdes të mos i mbingarkoni të tjerët me personalitetin tuaj: jepuni të gjithëve mundësinë të shprehen dhe të shkëlqejnë pranë jush!
Burimi / https://www.chedonna.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
