Disa njerëz e kanë të lehtë të qëndrojnë të qetë, edhe në situatat më të vështira për tu menaxhuar. Për të tjerët është shumë më e komplikuar të merren me situata stresi dhe nervozizmi. Sidomos kur ndiheni të mbingarkuar nga ngjarjet, mund të ndiheni sikur nuk keni më kontroll të jetës tuaj. Sidoqoftë, nuk duhet t’u dorëzohemi këtyre kushteve. Ju mund të qetësoheni brenda 5 minutash me këtë truk dhe të shmangni humbjen e kontrollit në situata stresuese.
Qetësohuni për 5 minuta me këto sekrete
Kur gjendeni në një situatë stresuese, e cila duket se është e pakapërcyeshme, gjëja e parë që duhet të bëni është të mbyllni sytë dhe të përpiqeni të merrni frymë ngadalë dhe thellë për të paktën 5 minuta. Duke vepruar kështu, mund të përpiqeni të imagjinoni eliminimin e gjithë tensionit të akumuluar, sikur del nga trupi së bashku me frymën që nxirrni. Në fund të kësaj frymëmarrjeje intensive, për të stimuluar një ndryshim të humorit, buzëqeshja mund të ndihmojë jashtëzakonisht shumë.
Frymëmarrja ndihmon trupin të relaksohet dhe mendjen që të heqë dorë nga tensionet emocionale. Ky relaksim i përgjithësuar mund të ndihmojë gjithashtu në identifikimin e zonave të trupit më të prekura nga stresi. Shumë shpesh zonat më të prekura janë shpatullat ose nofulla, por stresi mund të rritet në çdo pikë.
Në planin afatgjatë, puna me trupin tuaj për të lehtësuar stresin dhe nervozizmin mund të jetë shpëtuese. Aktiviteti fizik sigurisht që ndihmon për tu kujdesur për trupin tuaj. Qëndrimi në formë dhe stërvitja ndihmon për të hequr menjëherë mendjen nga shqetësimet. Në këtë moment të veçantë historik mbase është e vështirë të shkosh në palestër, në mos e pamundur. Sidoqoftë, gjithmonë mund të zgjidhni një stërvitje në natyrë ose në shtëpi.
Burimi / https://www.proiezionidiborsa.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
