Ushqimi i vjeshtës është i pasur me antioksidantë, të cilët janë shumë të dobishëm në luftën kundër sëmundjeve të ndryshme, sepse parandalojnë oksidimin e qelizave. Nëse doni të forconi mbrojtjen tuaj imune, përfshini këto ushqime në dietën tuaj.
- Gështenja
Gështenjat rekomandohen për ata që vuajnë nga sëmundjet e veshkave. Ato janë të pasura me kalium dhe fosfor dhe përmbajnë bakër, i cili forcon kockat dhe sistemin imunitar. Gështenjat përshpejtojnë formimin e qelizave të kuqe të gjakut dhe janë mjaft të larta në kalori, kështu që do t’ju mbajnë të ngopur.
- Dardha
Fruti i preferuar i vjeshtës përmban një sasi të madhe të vitaminës B, e cila na ndihmon të përballojmë më lehtë stresin. Dardhat janë shumë të dobishme në dietën e diabetikëve, sepse janë të pasura me fibra dhe ndihmojnë në parandalimin e diabetit. Ato janë të mira për stomakun dhe zemrën sepse rregullojnë nivelet e kolesterolit në gjak.
- Kungulli
“Mbretëresha portokalli e vjeshtës” është e pasur me acide yndyrore të shëndetshme dhe acidet omega-3 që janë të rëndësishme për shëndetin e zemrës dhe enëve të gjakut. Përmban shumë fibra që ndihmojnë në pastrimin e aparatit tretës dhe karotenoidet që përmban zvogëlojnë rrezikun e kancerit dhe mbrojnë lëkurën nga rrezet UV. Farat e kungullit përmbajnë fibra, fosfor, mangan dhe hekur.
- Panxhari
Panxhari njihet si ilaçi më i mirë për aneminë, mbron mëlçinë dhe ul presionin e gjakut. Nëse hani panxhar, do të eliminoni shenjat e rraskapitjes.
- Brokoli
Vetëm 45 gram brokoli përmban 70% të dozës së rekomanduar ditore të vitaminës C. Përveç kësaj, ai përmban antioksidantë që luftojnë lloje të ndryshme të kancerit.
- Molla
Mollët përmbajnë shumë vitamina, forcojnë imunitetin, parandalojnë ftohjet dhe zvogëlojnë rrezikun e infeksioneve të traktit respirator. Ato zvogëlojnë nivelin e kolesterolit dhe falë përmbajtjes së pektinës, ndihmojnë në detoksifikimin e trupit, duke ruajtur ekuilibrin e florës së zorrëve.
Burimi / https://italiafeed.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
