Këshilla & Arsye

July 19, 2018 | 12:24

Ushqimet që ju ndihmojnë të përqendroheni në zyrë

Duke konsumuar këto ushqime, do të ndiheni aktivë dhe të përqendruar në punë. Bazat e tyre ushqimore do përmirësojnë performancën tuaj në zyrë. Filloni t’i provoni dhe shikoni ndryshimin.

  1. Fara luledielli

Ato përmbajnë vitaminë B1, magnez dhe fosfor që favorizojnë përqendrimin dhe funksionin njohës. Ju mund t’i hani natyrisht, me kripë ose pa kripë, para një dite të lodhshme në punë.

  1. Mollë

Ky fryt funksionon si nxitës i sistemit nervor, i cili ju lejon të qëndroni të zgjuar dhe të fokusuar në projektet tuaja.

Një cilësi shumë e rëndësishme e mollës është se fortësia e saj është e shkëlqyer për të çliruar ankthin në kohë të vështira. Mos harroni të merrni një me vete gjithmonë për ndonjë emergjencë!

  1. Peshku

Përzgjidhni ato që kanë nivele të larta të omega 3 si salmoni, pasi forcon sistemin nervor dhe redukton emocionet që mund të na largojnë nga aktivitetet tona.

Përfshijini atë në dietën tuaj para një prezantimi ose takimi për t’u ndjerë shumë më të sigurt dhe nëse doni të përfitoni më së shumti, përpiquni ta gatuani në skarë ose në avull.

  1. Avokado

Yndyrnat e mira të avokados ndihmojnë gjakun që të arrijë të gjitha organet dhe trurin për ta mbushur me oksigjen për të rritur performancën neuronale.

Gjëja më e mirë është që ju mund ta hani atë në shumë mënyra: në një fetë buke për mëngjes, në salcë mes ngrënies ose në sallatë për drekë dhe darkë.

  1. Arra

Përzgjidhni veçanërisht arra, pasi janë më të plota në sasinë e ushqyesve që ofrojnë për të optimizuar qarkullimin e gjakut dhe për të aktivizuar enzimat e trurit, duke rezultuar në një përmirësim të përqendrimit dhe strukturës së të menduarit.

 

Burimi / Intv.al

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Agjente Marketingu:
Erinda Topi: 0688019400
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top