Marrëdhënie

September 7, 2018 | 13:04

Vendet që duhet t’i njihni, për një marrëdhënie sa më pasionante

Ka disa stile dhe zakone të jetës që ndikojnë veçanërisht në mirëqenien nën çarçafë. Dashuria dhe mirëqenia seksuale fillojnë shumë më parë se të arrijmë nën çarçafë: ka vende dhe zakone të jetës që ndikojnë ndjeshëm në cilësinë e shfaqjeve të çiftit dhe kënaqësinë që mund të rrjedhë prej saj. 

Me rastin e Ditës Botërore të Shëndetit Seksual, ekspertët sugjerojnë mënyra jetese që ndihmojnë shëndetin dhe rrugën ideale shëndetësore për një performancë të suksesshme në dhomën e gjumit. Këtë rrugë e ilustron Prof. Emmanuele A. Jannini, Profesor i Endokrinologjisë dhe Seksologjisë Mjekësore në Universitetin Tor Vergata të Romës, duke kujtuar se janë pesë vende që ndikojnë ndjeshëm në këtë sferë delikate të jetës tonë intime.

1.Kuzhina – Një dietë e larmishme dhe e balancuar ka një rol të njohur dhe shkencërisht të dokumentuar në ruajtjen e shëndetit të mirë. Dieta mesdhetare është ajo që kontribuon më së miri për mirëqenien, madje edhe seksuale të njeriut. Piramida e ushqimit siguron bazën për drithërat, frutat dhe perimet, që konsumohen më shpesh, ndërsa në krye dhe për këtë arsye përdoren me masë, janë yndyrat shtazore dhe sheqernat e thjeshta.

2.Dhoma e ndenjes – Divani duhet të përdoret vetëm për disa orë: jeta sedentare sjell me vete një incidencë më të madhe jo vetëm të mbipeshës dhe të obezitetit, por edhe të sëmundjeve metabolike. Një jetë aktive dhe zakoni i ushtrimit të rregullt të një ose më shumë sporteve përmirësojnë gjendjen e përgjithshme fizike dhe performancën seksuale.

3.Lokalet e natës – Janë vende ku konsumohet alkool, cigare dhe nganjëherë edhe drogë. E gjithë kjo ka një efekt negativ në aktivitetin dhe performancën seksuale, në afat të shkurtër dhe afat të gjatë. Për shembull, pirja e duhanit është një faktor i rëndësishëm rreziku në zhvillimin e aterosklerozës dhe mosfunksionimit të ereksionit.

4.Zyra e mjekut – Është një vend i rëndësishëm për kontrollet periodike, shërben si mjet i rëndësishëm parandalimi, sidomos pas një moshe të caktuar. Gjithashtu, kur ju filloni duke pasur probleme në dhomën e gjumit, mjeku duhet të konsiderohet si aleati i parë dhe është personi i parë që duhet t’i drejtoheni për të marrë këshilla dhe ndihmë.

5.Farmacia – Edhe këshilla e farmacistit është një ndihmë e vlefshme: ai mund të na japë indikacione të dobishme dhe të sqarojë dyshimet si për mënyrën e jetesës së shëndetshme ashtu edhe për të udhëzuar pacientin në zgjedhjen e zgjidhjeve të mundshme të treguara nga mjeku. Siç është zbuluar nga të dhënat që dalin nga hulumtimi i GFK-së i kryer në kuadrin e fushatës ‘Ticket to Love’ dhe i promovuar nga ‘IBSA Farmaceutici Italia’, seksi është një komponent themelor i jetës sipas 88% të meshkujve që morën pjesë në studim.

 

Burimi / http://gazeta-shqip.com

To Top

Powered by themekiller.com anime4online.com animextoon.com apk4phone.com tengag.com moviekillers.com