Mirëqenie

October 1, 2018 | 13:50

Vetmia nxit të menduarin pozitivisht…

Jo gjithmonë vetmia është e keqe. Ajo shpesh edhe mund t’ju ndihmojë. Vetëm çerek ore në ditë janë të mjaftueshme për të mbajtur larg stresin dhe ankthin, si dhe për të qenë të përqendruar dhe plot energji në planet e ditës. Kush do ta kishte menduar (ose ndoshta edhe kemi qenë të vetëdijshëm për këtë) se vetmia, edhe në doza të vogla, mund të jetë një burim i vlefshëm për të luftuar stresin dhe ankthin?

E pra, tani e pranon edhe shkenca: një studim i kryer nga studentët amerikanë zbulon se koha e kaluar vetëm është një strategji për të rizbuluar energjinë dhe të menduarit pozitiv.

Është e nevojshme të ndalemi një moment para se ankthi të bëhet histeri ose – më keq – të lejojmë të shpërthejë paniku që e kishim për një kohë të gjatë. Nëse nuk duam të rrezikojmë të shpërqendrohemi duke harruar gjërat më të rëndësishme, pavarësisht listës së zhdërvjellët dhe shumë të saktë të gjërave për të bërë atë që kemi përgatitur, është e këshillueshme të ndalemi një moment dhe të qëndrojmë vetëm për disa minuta.

Hulumtimi i kryer në Nju Jork nxjerr në pah se vetmia është në gjendje të inkurajojë deaktivimin e përvojave të njerëzve që veprojnë në dy fronte: në njërën anë duke çliruar ndjenjën relative në lidhje me ngjarjet pozitive që na mbushin me dashuri dhe nga ana tjetër tensionin që lind nga situatat e vështira dhe stresuese.

Ekspertët gjithashtu përcaktuan kohën për të kaluar plotësisht vetëm çdo ditë, si një mjet anti-stres: pesëmbëdhjetë minuta janë të mjaftueshme për të rizbuluar veten dhe për të nxitur mendimet pozitive.

Por kini kujdes: vetmia duhet të përjetohet si një mundësi dhe jo si një dënim dhe për rrjedhojë të nxjerrë efektet e saj të dobishme dhe gjithashtu është e domosdoshme që zgjedhja për të qëndruar një kohë vetëm të jetë autonome. Ndonjë sugjerim për t’u “izoluar” një çerek ore? Le të kemi një masazh të vogël relaksimi gjatë pushimit të drekës, ose shopping me qëllimin e vetëm të zbrazjes së kokës (jo domosdoshmërisht të portofolit tuaj!) dhe – pse jo dhe një shëtitje të shëndetshme: mendja e shëndoshë në trup të shëndoshë, le të mos e harrojmë këtë.

 

Burimi / http://gazeta-shqip.com

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Agjente Marketingu:
Erinda Topi: 0688019400
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top