Të jesh më proaktiv në punë nuk është një detyrë e lehtë, pasi duhet të kesh vullnet dhe dëshirë për ta bërë këtë. Megjithatë, ky qëndrim është ndër më të kërkuarit nga tregu i punës. Gjithçka varet nga sa mirë korrespondojnë marrëdhëniet mes jush dhe mjedisit tuaj të punës.
Si të jeni më proaktiv në punë
Nuk është e lehtë të jesh proaktiv. Në fakt, është një qëndrim që shpesh duhet ta mësoni. Me pesë këshillat e mëposhtme, do të jeni në gjendje të lustroni aftësitë tuaja dhe të kryeni më efektivisht detyrat tuaja, sipas kërkesave të pozicionit tuaj.
Jini të organizuar dhe të rregullt
Kujtesa juaj nuk mjafton për ta mbajtur punën tuaj të organizuar dhe në rregull. Prandaj, bëni një listë të detyrave prioritare dhe atyre që mund të presin. Më pas, do të jeni më të vëmendshëm ndaj punës suaj.
Jini pozitiv, por jo naiv
Ju nuk duhet t’i thoni vetes se negativiteti është gjithmonë i keq dhe se nuk do t’ju çojë askund. Sidoqoftë, duhet të keni parasysh shkakun e negativitetit tuaj në mënyrë që të gjeni një mënyrë për ta përpunuar atë.
Jini praktik
Përkushtohuni ndaj ideve tuaja dhe jini të qëndrueshëm me to. Në të vërtetë, të qenit praktik është një aftësi e nevojshme për të punuar në një ekip. Është gjithashtu një nga cilësitë kryesore të një lideri.
Analizoni problemin dhe kërkoni zgjidhje të zgjuara
Kur ndodh ndonjë ngjarje e paparashikuar, mos u përqendroni te problemi, përqendrohuni te zgjidhja. Ky hap kërkon që ju të zbatoni atë që përmendëm në këshillën e dytë: jini pozitiv, por jo naiv.
Shëndeti fizik dhe emocional
Kjo është këshilla më e rëndësishme nga të gjitha. Për të arritur një shëndet të mirë fizik dhe mendor, duhet të jeni të vetëdijshëm. Pasoja e menjëhershme e kësaj gjendjeje është homeostaza emocionale. Kjo ju lejon të keni kontroll mbi jetën tuaj dhe, për rrjedhojë, mbi punën tuaj.
Përgatiti K.I / Burimi exploringyourmind.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
