Të vogla në madhësi, por shumë të mëdha për vlera shëndetësore! Farat e lulediellit janë një burim i shkëlqyer vitaminash e mineralesh përfshirë vitaminën E, vitaminën B6, B1 e B3, manganin, selenin, fosforin, magnezin, bakrin etj.
Farat e lulediellit janë gjithashtu të pasura me acide yndyrore esenciale që ndihmojnë në përmirësimin e shëndetit kardiovaskular dhe luftimin e inflamacionit.
Përfitimet shëndetësore të farërave të lulediellit:
Reduktojnë rrezikun e sëmundjeve të zemrës
Farat e lulediellit janë të pasura në vitaminë E, e cila vepron si një antioksidant për të luftuar inflamacionin dhe për të zvogëluar rrezikun e shumë sëmundjeve inflamatore. Nivelet e larta të inflamacionit rrisin rrezikun e sëmundjeve të zemrës. Konsumimi i farave të lulediellit mund të ndihmojë në balancimin e kolesterolit, uljen e presionit të lartë të gjakut
Ulin nivelin e stresit oksidativ
Hulumtimet kanë treguar se kombinimi i antioksidantëve, vitaminave dhe mineraleve që gjenden në farat e lulediellit mund të ndihmojë në reduktimin e stresit oksidativ, i cili lidhet me zhvillimin e kancerit.
Mbështesin funksionin e gjëndrës së tiroides
Një ndër shkaqet kryesore të çrregullimeve të tiroides lidhet me mungesën e selenit. Farat e lulediellit janë të pasura me selen, i cili luan një rol kyç në rregullimin e temperaturës së trupit.
Ndihmon në luftimin e osteoporozës dhe qetëson dhimbjen e muskujve
Farat e lulediellit përmbajnë nivele të larta të magnezit, për të cilin trupi ka nevojë për të parandaluar humbjen e dendësisë së kockës njohur ndryshe si osteoporoza.
Balancon nivelin e sheqerit në gjak.
Burimi / http://www.gazetamonitor.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
