Shumë çifte qëndrojnë së bashku edhe pse marrëdhënia e tyre është padyshim jofunksionale: duke debatuar vazhdimisht, ndërsa të tjerët duket se sillen rreth e rrotull pa ndonjë drejtim të qartë për të ndjekur pavarësisht se janë bashkë për shumë vite. Nëse ka një gjë të përbashkët të këtyre dy llojeve të çifteve, ajo është të qenit të papjekur në marrëdhënie dhe të paaftë për arsye të ndryshme për t’u marrë me gjendjen e punëve.
Si dallohet kur një çift është i papjekur?
Shpesh nuk është e lehtë të kesh aftësinë për të introspektuar dhe distancuar nga marrëdhënia jote deri në atë pikë sa të jesh në gjendje të kuptosh se je një çift i papjekur. Natyrisht, është më e lehtë ta vëzhgosh atë në çifte të tjera. Përfshirja emocionale dhe ndonjëherë frika për të qenë vetëm, nuk ndihmojnë; nga ana tjetër, ne shpesh njohim simptomat e papjekurisë në çiftet që na rrethojnë. Në fakt, ka shenja të qarta të papjekurisë në një çift, të cilat janë mjaft universale.
Mosdashja e kompromisit
Një nga shenjat më të bezdisshme të papjekurisë në një marrëdhënie është kur njëri ose të dy nuk dëshironi të bëni kompromis. Nëse njëri partner dëshiron që gjërat të shkojnë ashtu siç thotë ai, ndërsa tjetri dëshiron anasjelltas, gjërat mund të shkojnë drejt greminës shumë shpejt.
Gjeni raste për debat
Një nga simptomat e para që gjërat nuk janë në rregull në një marrëdhënie është kur njëri ose të dy partnerët shfrytëzojnë çdo mundësi për të nisur një debat ose më keq, një grindje dhe sillen shumë agresivisht.
Të jesh shumë xheloz, edhe pa arsye
Një shenjë e qartë e papjekurisë në marrëdhënie është xhelozia e kotë, edhe nëse partneri nuk ka bërë asgjë për ta shkaktuar atë. Asgjë spektakolare nuk duhet të ndodhë, ndonjëherë mjafton që njëri nga të dy të kalojë kohë me miqtë, ose t’i kushtojë më shumë kohë një hobi apo pune se zakonisht.
Mbivlerësimi i gjërave sipërfaqësore
Shumë njerëz në një lidhje shpesh vlerësojnë vetëm gjërat më sipërfaqësore që mund të marrin nga partneri i tyre; qofshin dhurata, udhëtime, ngrënie jashtë apo stili i jetesës, të gjitha këto gjëra nuk kanë të bëjnë fare me ndjenjat dhe emocionet. Sigurisht, ato janë të këndshme dhe i shtojnë vlerë marrëdhënies, por nuk janë baza apo gjëja më e rëndësishme.
Varësia emocionale
Të jesh në një lidhje nuk do të thotë të humbasësh individualitetin ose ta sakrifikosh atë për personin tjetër, përkundrazi. Të qenit shumë i ngjitur është gjithashtu një shenjë e papjekurisë, shpesh e lidhur me xhelozinë, ankthin ndaj ndarjes dhe varësinë emocionale.
Përgatiti K.I / Burimi www.thewom.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
