Me plakjen problemet shëndetësore shpesh zvarriten, gjë që kërcënojnë të dëmtojnë vitet tona të arta. Trajtimi i disa prej këtyre sëmundjeve mund të jetë i shtrenjtë. Për fat të mirë, ka mënyra për të ulur koston e kujdesit të tillë.
Në vijim janë shtatë gjendje shëndetësore që kanë tendencë të godasin pas moshës 50 vjeç dhe si të ulni koston e kujdesit nëse jeni diagnostikuar me to:
Arthriti
Arthriti godet rreth 91 milion amerikanë, duke u kushtuar atyre një mesatare prej 2,117 dollarë për çdo pacient, sipas Fondacionit Arthritis.
Si të ulni shpenzimet. Fondacioni Arthritis ka një faqe interneti të përkushtuar për mënyrat për të shkurtuar shpenzimet për kujdesin e artritit. Ai përfshin burime të tilla si organizatat e ndihmës financiare dhe programet farmaceutike që ndihmojnë për të paguar për medikamente dhe kirurgji.
Osteoporoza
Sipas Fondacionit Kombëtar të Osteoporozës rreth 54 milionë amerikanë kanë densitet të ulët kockash ose osteoporozë. Ndër gratë, 1 në 2 thyejnë një kockë për shkak të sëmundjes, ndërsa te meshkujt 1 në 4.
Si të ulni shpenzimet. Një studim zbuloi se kostoja e osteoporozës kushtonte 22 miliardë dollarë në vitin 2008. Pyesni mjekun për përdorimin e barnave më pak të kushtueshme.
Ushtrimi, të tilla si ngritja e peshave, ecja ose drejtimi dhe aktivitete të tilla si tenisi, është gjithashtu një mënyrë e shkëlqyeshme për të ndërtuar densitetin e kockave dhe kushton shumë pak ose aspak. Gjithashtu dhe vitamina D mund të ndihmojë trupin tuaj për të forcuar kockat
Diabeti
Më shumë se 30 milionë amerikanë kanë diabet. Rreziku për sëmundjen rritet kur moshoheni; më shumë se 1/4 e të rriturve të moshës 65 vjeç e lart kanë diabet.
Diabeti kushton 327 miliardë dollarë në vit, sipas Shoqatës Amerikane të Diabetit. Pacientët e diagnostikuar me diabet i paguajnë vetë këto shpenzime. Çmimi i insulinës pothuajse është trefishuar në mes viteve 2002 dhe 2013 dhe njerëzit me diabet kanë kujdes shëndetësor 2.3 herë më të lartë se njerëzit pa sëmundje, sipas ADA.
Si të ulni shpenzimet. Të kapurit të diabetit që në fillimet e tij është çelësi për të mbajtur shpenzimet nën kontroll. Ndërsa sëmundja përparon, mund të bëhet më e rrezikshme – dhe shumë më e shtrenjtë për t’u trajtuar.
Nëse keni diabet, shpenzimet tuaja do të jenë më të ulëta nëse sigurimi shëndetësor mbulon trajtimet tuaja. Gjithashtu, një dietë e shëndetshme dhe ushtrime të rregullta mund t’ju ndihmojnë të kontrolloni diabetin.
Obesiteti
Me kalimin e viteve, rripat tona zgjerohen. Më shumë se 1/3 e të rriturve 65 vjeç e lart janë obezë, sipas një raporti të vëzhgimit 2007-2010 nga Qendrat për Kontrollin dhe Parandalimin e Sëmundjeve. Sipas raportit një person obezë shpenzonte 42 % më shumë për kujdesin shëndetësor – një mesatare prej $ 1,429 për person – sesa njerëzit me peshë normale.
Si të ulni shpenzimet. Rënia në peshë ul rrezikun tuaj për t’u diagnostikuar me shumë probleme të kushtueshme shëndetësore, duke përfshirë diabetin, sëmundjet e zemrës, kancerin dhe osteoartriti.
Një dietë e shëndetshme dhe fillimi i një programi stërvitjeje janë mënyra të lira për të shmangur kostot që lidhen me obezitetin.
Problemet e zemrës
Sëmundja e zemrës është shkaku kryesor i vdekjes për burrat dhe gratë në SHBA.
Kjo gjendje përfshin shumë probleme lidhur me arteriosklerozën, ngushtimin e arterieve për shkak të yndyrnave, kolesterolit dhe substancave të tjera. Sëmundjet e zemrës i kushtojnë kombit rreth 200 miliardë dollarë në vit.
Si të ulni shpenzimet. Disa kushte mjekësore janë të lidhura ngushtë me një rrezik më të lartë të zhvillimit të sëmundjeve të zemrës. Ato përfshijnë:
Presion të lartë të gjakut
Kolesterol të lartë LDL
Pirje të duhanit
Një dietë më e mirë dhe ushtrime të rregullta mund t’ju ndihmojnë të zvogëloni presionin e gjakut dhe të përmirësoni kolesterolin. Pirja e duhanit është ndër mënyrat më të mira për të përmirësuar shëndetin tuaj dhe për të kursyer para.
Rënie të shëndetit oral
Rreth 25 % e amerikanëve të moshës 60 vjeç e lart nuk kanë asnjë dhëmbë të tyre natyral. Kjo është një kujtesë e kthjellët se shëndeti ynë oral fillon të ikë me moshën. Një sëmundje e rëndë periodontale dhe kanceri i gojës dhe faringut kryesisht ndikojnë tek të rriturit e moshuar.
Trajtimi i kushteve të tilla mund të jetë i shtrenjtë. Amerikanët e të gjitha moshave kanë shpenzuar 124 miliardë dollarë për shpenzimet dentare në vitin 2016, dhe shpenzimet e tilla janë rritur për dy vjet të njëpasnjëshme, pasi kanë qenë të sheshtë për disa kohë, sipas Shoqatës Amerikane të Stomatologjisë.
Si të ulni shpenzimet. Vizitat e rregullta te dentisti janë mënyra më e mirë për të kapur sëmundjet në fillim, kur ato janë më pak të kushtueshme për t’u trajtuar.
Herpes
Ndërsa kjo sëmundje ka të ngjarë të jetë shumë më pak e kushtueshme se të tjerët në listë, ajo meriton vëmendje, sepse është kaq e përhapur te njerëzit mbi 50 vjeç.
Dhe komplikimet që lidhen me herpes – nga blisters në një lloj dhimbje të vazhdueshme të quajtur neuralgia post-herpetike, ose PHN, të cilat janë të kushtueshme.
Si të ulni shpenzimet. Për fat të mirë, ekziston një rregullim i lehtë dhe i përballueshëm për herpes: vaksinimi.Një vaksinë e re është më shumë se 90% efektive në parandalimin e herpes në moshën 50 vjeç e më të vjetër.
Përgatiti: Brikela Daci | Burimi / www.msn.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
