A keni qenë ndonjëherë ju apo ndonjë anëtar i familjes suaj viktimë e dhunës? A keni arsye të keni frikë se do t’ju ndodhë? Dhuna është quajtur një “problem në rritje i shëndetit publik në të gjithë botën”. Ja disa shembuj.
Dhuna familjare dhe seksuale: “Një në tre gra ka qenë viktimë e dhunës fizike ose seksuale nga partneri në një moment intim të jetës së saj”, raportojnë Kombet e Bashkuara. Mjerisht, “vlerësohet se, në të gjithë botën, një në pesë gra do të bëhet viktimë e përdhunimit ose përpjekjes për përdhunim”.
Krimi në rrugë: Thuhet se, më shumë se 30,000 banda të dhunshme kriminale janë aktive në Shtetet e Bashkuara. Në Amerikën Latine, gati 1 person në 3 ka raportuar të jetë viktimë e një krimi të dhunshëm.
Vrasjet: Vlerësohet se gati një gjysmë milioni njerëz u vranë gjatë një viti të fundit, më shumë se ata të vrarë në luftëra. Afrika e Jugut dhe Amerika Qendrore kishin normën mesatare më të lartë të vrasjeve, mbi katër herë mesataren e botës. Më shumë se 100,000 njerëz u vranë në Amerikën Latine brenda një viti, dhe rreth 50,000 vetëm në Brazil. A mund të gjendet një zgjidhje e qëndrueshme për dhunën?
A mund të ndalet dhuna?
Pse është kaq e përhapur dhuna? Shumë shkaqe janë identifikuar, përfshirë sa vijon: tensioni që vjen nga pabarazitë sociale dhe ekonomike, një përbuzje e përgjithshme për jetën e të tjerëve, abuzimi me alkoolin dhe ilaçet, ekspozimi i fëmijëve ndaj sjelljes së dhunshme të të rriturve dhe fakti se kriminelët e dhunshëm veprojnë në dukje pa u ndëshkuar.
Pa dyshim, përparimi në frenimin e dhunës është bërë në disa pjesë të botës. Qyteti i populluar i São Paulo, Brazil, thuhet se pa një ulje të vrasjeve me rreth 80 për qind në dekadën e fundit. Akoma, krimi i dhunshëm i të gjitha llojeve është i shfrenuar në atë qytet dhe niveli i vrasjeve mbetet rreth 10 për 100,000 banorë.
Pra, çfarë do të duhet për t’i dhënë fund dhunës njëherë e përgjithmonë?
Një zgjidhje e qëndrueshme e dhunës në fund të fundit përfshin njerëzit – qëndrimet dhe sjelljen e tyre. Që njerëzit e dhunshëm të ndryshojnë, tipare të tilla si krenaria, lakmia dhe egoizmi duhet t’i lënë vendin dashurisë, respektit dhe shqetësimit për të tjerët.
Përgatiti Orjona Tresa / Marrë me shkurtime nga jw.org/en
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
