Në fillim të një lidhjeje, në fazën e rënies në dashuri, ndjen një dëshirë të zjarrtë për partnerin, aq sa duket thuajse e pamundur të qëndrosh larg tij. Çdo justifikim është i mirë për të parë njëri-tjetrin dhe për të bërë seks që është gjithmonë pasionant dhe plotësues. Megjithatë, ndërsa një marrëdhënie përparon, ky pasion i zjarrtë zvogëlohet dhe, shpesh, ne përfundojmë duke e konsideruar partnerin pothuajse si një anëtar të familjes me të cilin mund të kalojmë kohë të mira më shumë se çdo gjë tjetër jashtë dhomës së gjumit. Por a zbehet detyrimisht pasioni ndërsa një marrëdhënie përparon?
Mungesa e pasionit në marrëdhënie: si ta luftojmë
Ka arsye evolucionare dhe praktike pse dashuria pasionante nuk ka gjasa të zgjasë gjatë. Nëse do të ishim të fiksuar pafundësisht pas partnerëve tanë dhe do të bënim seks me ta disa herë në ditë, çdo ditë, nuk do të ishim shumë produktivë në punë apo shumë të vëmendshëm ndaj fëmijëve tanë, miqve apo shëndetit tonë. Megjithatë, një interes i shëndetshëm seksual për partnerin tuaj mund të ndihmojë që marrëdhënia të zgjasë më gjatë dhe ta bëjë atë më të kënaqshme dhe përmbushëse. Ja si ta ndizni sërish!
Komunikoni
Humbja e pasionit fillestar mes dy partnerëve mund të çojë në zhgënjim dhe tension brenda çiftit. Të flasësh dhe të diskutosh hapur me partnerin është një pikënisje e shkëlqyer për të kapërcyer problemin dhe për të rizbuluar intimitetin e humbur. Mos kini frikë të shprehni ndjenjat tuaja. Nëse partneri juaj ju do, ai do të bëjë gjithçka për ta zgjidhur problemin në sinergji me ju.
Krijo eksperienca në çift
Rutina në çift mund të asgjësojë edhe marrëdhënien më të qëndrueshme dhe të qetë. Kjo është arsyeja pse është shumë e rëndësishme t’i jepni një jetë të re marrëdhënies, duke kërkuar gjithmonë mënyra të reja për t’u argëtuar me partnerin tuaj dhe për të jetuar përvoja të reja dhe emocionuese me të. Përjetimi i aventurave që shtojnë adrenalinën mund të rrisë vërtet marrëdhënien dhe të ringjallë menjëherë pasionin!
Koha për veten
Kalimi i çdo momenti të lirë me partnerin tuaj dhe neglizhimi i miqësive dhe hobive mund të jetë kundërproduktiv për marrëdhënien: si mund të dëshironi, në fakt, dikë me të cilin jeni gjithmonë bashkë? Kjo është arsyeja pse është e nevojshme të merrni kohë për veten tuaj, larg partnerit tuaj, në mënyrë që të ringjallni dëshirën si tek ju ashtu edhe tek ai. Mundohuni të jetoni një jetë interesante, vetëm kështu mund të dukeni interesant në sytë e të tjerëve!
Bëjni partnerin tuaj të ndihet i veçantë
Një nga gjërat që ndodh më shpesh në një lidhje afatgjatë është të mirëqenë partnerin dhe ta vendosësh në plan të dytë marrëdhënien me të. Asgjë më të keqe. Si çdo gjë në jetë, edhe (dhe më e rëndësishmja) një histori dashurie ka nevojë për kujdes dhe vëmendje për të mbijetuar dhe përparuar. Dhënia e partnerit tuaj disa dhurata ose ndonjë surprizë e këndshme krejtësisht e papritur, sigurisht që do të rigjallëroj bashkimin tuaj.
Rëndësia e romancës
Herë pas here, të kesh një takim me partnerin, si ato që kishe në fillim të lidhjes, mund të sjellë kujtime të mrekullueshme të kohës kur u takuat dhe ratë në dashuri. Kjo, sigurisht, vetëm do ta bëjë historinë tuaj të dashurisë edhe më kuptimplote dhe të rëndësishme. Lojërat me role gjatë takimit mund të ndihmojnë gjithashtu në rindezjen e pasionit.
Përgatiti K.I / Burimi www.thewom.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
