Aktori i njohur turk, Kivanç Tatlitug dhe partnerja e tij, stilistja Basak Dizer, do të bëhen së shpejti prindër për herë të parë! Sipas mediave turke, thuhet se stilistja 44-vjeçare është tre muajshe shtatzënë dhe ende nuk dihet gjinia e foshnjës, raporton “Bolge Gundem”.

Lajmet se Basak Dizer është shtatzënë nisën të qarkullonin që muajin qershor tuajin qershor të vitit të kaluar. Dizer mohoi të jetë në pritje të ëmbël duke iu përgjigjur një postimi në Instagram, ku një mikeshë e uronte.

“Unë nuk jam shtatzënë. Është një lajm i rremë që bëhet rregullisht çdo vit”, shkroi Basak.

Por kësaj radhe duket se lajmi është i vërtetë.

Dizer dhe Tatlitug preferojnë ta mbajnë dashurinë e tyre gjithmonë larg syrit të publikut. Mirëpo duke qenë një çift kaq i famshëm, kjo është diçka e vështirë për ta. Dyshja u martuan në një ceremoni të thjeshtë në Paris, pesë vite më parë. Edhe pse nëna e Tatlıtug, Nurten Tatlıtug nuk mundi të merrte pjesë në ceremoninë ku ishin të ftuar vetëm 40 persona, për shkak të problemeve shëndetësore, aktori bëri që mamaja e tij të shikonte drejtpërdrejtë momentin e dasmës me anë të sistemit 3G.