Sa e sa ngushtë janë të ndërthurur shëndeti i njeriut me mjedisin, për mirë dhe për keq. Trupi ynë ka nevojë për gjelbërim, për vitamin D, për zhurma pranverore…
1. Dëshironi të hani më shëndetshëm? Koha në natyrë mund t’ju ndihmojë
Në një sondazh me 300 të rritur në Filadelfia, njerëzit që raportuan se ndiheshin më të lidhur me natyrën prireshin të hanin një dietë më të larmishme të pasur me fruta dhe perime. Ushqimi më i mirë mund të jetë një përfitim tjetër i kalimit të kohës jashtë, megjithëse ata që qëndrojnë pas sondazhit theksojnë se “hulumtimi i ardhshëm duhet të eksplorojë mënyrat se si komunitetet e ndryshme përjetojnë dhe vlerësojnë natyrën”.
2. Të qenit jashtë është ngushëlluese, edhe në kohë dhimbjeje fizike
Pjesëmarrësve në këtë studim iu kërkua të bënin një shëtitje të shpejtë dhe të pjerrët në natyrë pasi kishin marrë ose beta-alanine (një aminoacid që rrit perceptimin e dhimbjes) ose një placebo. Edhe pse ata që morën beta-alaninën kishin dhimbje gjatë gjithë përvojës, ata përsëri shënuan rezultate të larta në shkallën e “lidhjes me natyrën” – e cila mat lidhjen e tyre emocionale dhe shpirtërore me natyrën – pas ushtrimit. Kjo tregon se ne ende mund të ndihemi të mbështetur nga natyra edhe në, dhe ndoshta veçanërisht në momente të vështira.
3. Vetëm të jetosh pranë gjelbërimit mund të përmirësojë funksionin e trurit dhe shëndetin e zemrës
Në një hulumtim gjithëpërfshirës mbi 116,429 gra të moshës së mesme,ato që jetonin në lagje më të gjelbra (siç maten nga imazhet satelitore) priren të shënojnë rezultate më të larta në testet që masin funksionin njohës, sesa ato që jetojnë në zona më të zhvilluara.
4. Kopshtet terapeutike mund të ndihmojnë në uljen e depresionit në qytete
Sipas një studimi të ri, të kalosh më shumë kohë jashtë mund të ndihmojë në përmirësimin e humorit dhe kopshtet terapeutike me “peizazhe soditëse” duket se janë veçanërisht terapeutike për banorët urbanë që përjetojnë depresion.
Përgatiti K.I / Burimi www.mindbodygreen.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
