Barack Obama është një bashkëshort i dashur, dhe këtë e ka dëshmuar shumë herë në të kaluarën, duke lavdëruar në disa raste gruan e tij Michelle në shumë platforma publike. Ish-presidenti amerikan ka postuar një fotografi në Instagram-in e tij, ku shihet duke kërcyer me bashkëshorten.
Çifti shpesh hyn në rrjetet sociale për t’i shkruar njëri-tjetrit mesazhe të ëmbla, duke i bërë fansat dhe ndjekësit e tyre nga e gjithë bota të mbajnë shënime se si ta bëjnë atë siç duhet. Dita e Shën Valentinit nuk ishte ndryshe.
Ish-presidenti amerikan postoi një foto, e cila duket se është bërë gjatë inaugurimit të tij të dytë në fillim të vitit 2013, në një ballo.
Në foto, Michelle shihet me një fustan të kuq të gjatë nga Jason Wu, me sytë e lidhur me të shoqin, teksa lëkunden së bashku. Ka një buzëqeshje të madhe në fytyrën e saj – atë të fitores – dhe Barack buzëqeshur gjithashtu. Në mbishkrim ai shkroi: “Gëzuar ditën e Shën Valentinit, Michelle! Me një buzëqeshje që ndriçon botën, ti je e vetmja. Sot dhe gjithmonë, jam mirënjohës që të kam në jetën time.”
Nuk u ndal me kaq, pasi edhe ish-zonja e parë e SHBA-së ka ndarë një foto me një mesazh të bukur për bashkëshortin e saj. Çifti kanë pozuar me veshje sportive, duke parë horizontin. “Ndihem shumë e bekuar që mund të kaloj çdo ditë me këtë djalë. Gëzuar Ditën e Shën Valentinit, Barack! Këtu janë të gjitha aventurat që na presin.”
Sipas një raporti në People, familja Obama – të cilët festuan 29 vjetorin e martesës vitin e kaluar – ishin në një udhëtim në Hawaii kur u bë kjo fotografi. Ndonëse herë pas here shkëmbejnë mesazhe të menduara si këto, ata nuk janë shmangur asnjëherë të flasin për momentet e vështira të jetës së tyre, veçanërisht pasi kanë qenë në sy të publikut për kaq shumë kohë.
Në vitin 2020, Michelle, ndërsa ishte në bisedë me prezantuesin e televizionit amerikan Conan O’Brien, ishte thënë hapur se si martesa e tyre nuk ka qenë saktësisht një shtrat me trëndafila. “Ju duhet të dini se do të ketë periudha të gjata kohore kur nuk mund ta duroni njëri-tjetrin… E thashë në turneun e librit si një shaka, kishte raste që doja ta shtyja Barack-un nga dritarja, apo jo? Dhe e them këtë sepse është sikur të keni kuptuar që ndjenjat do të jenë intensive… Dhe këto periudha mund të zgjasin për një kohë të gjatë. Ato mund të zgjasin me vite. Ne nuk flasim për këtë…” ishte shprehur ajo.
Në të njëjtin vit, në podkastin e Barack, ku ajo ishte e ftuar, ajo kishte thënë: “Një nga arsyet pse u dashurova me ty është sepse udhëhiqesh nga parimi se ne jemi kujdestarët e vëllait dhe motrës së njëri-tjetrit. Dhe kështu u rrita.”
Përgatiti Orjona Tresa | Burimi indianexpress.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
